Corsipedia

À prupositu di Wikipedia
Jump to navigation Jump to search
U logo di a Corsipedia
Icona pè a lingua corsa

Corsipedia hè un nome micca ufficiale pè a versione di a Wikipedia in lingua corsa (nome ufficiale). Ella hè chjamata cowiki dinò. Hè stata criata u 9 di decembre 2003. Cum'è tutte l'altre Wikipedie in tutte l'altre lingue si tratta d'un'enciclopedìa lìbera è gratisi. Ognunu chi vole, pò participà è cuntribuì cun u so sapè. U nome Corsipedia hè inspiratu da a Galipedia, a versione di Wikipedia in lingua galiziana.

U prupòsitu particulare d'issu prugettu hè di prumove a lingua corsa è di fà cunnosce l'ìsula di Còrsica nantu à internet è in u mondu.

Sinu à oghje, a Wikipedia in lingua corsa tene 5 676 artìculi. U nùmeru d'utilizatori registrati attuale hè di 15 412. Ma hè moltu diffìciule d'indicà u nùmeru d'utilizatori (o participanti) chi ponu cuntribuì cum'è autori d'artìculi rispettivamente chi pàrlanu corsu daveru, perchì assai chi cuntribuìscenu cum'è autori ùn sò micca registrati o ùn indichèghjanu micca e so cunniscenze di corsu nant'à e so pàgine d'utilizatore. Attualmente (9 di lugliu 2019) ci sò 29 utilizatori chi indichèghjanu ch'elli ponu cuntribuì in lingua corsa, di i quali 16 incun un nivellu elementare, 9 cù nivellu mezu è 1 cù nivellu avanzatu; 3 antri participanti indichèghjanu ch'elli hanu u corsu cum'è lingua materna. (Trè d'issi vintinove participanti corsòfoni hanu dinù qualchì cunniscenza di u sassarese è unu di u gallurese, e dette varietà corsosarde.)

Siente u nùmeru d'artìculi, a Corsipedia appartene à e 180 più grande Wikipedie, d'un tutale di 304. Attualmente (9 di lugliu 2019), hè a 171ima più grande Wikipedia. Ma questa ùn hè micca un indicatore pè a qualità.


Esiste ancu un prugettu surella in a varietà sassaresa chi si chjama Vichipedìa - L'enzicropedìa lìbbara in linga sassaresa, ma chi hè torna un prugettu di prova.

Ligami[mudificà | edità a fonte]

Leghje istu artìculu in a Wikipedia sassaresa