Sporting Club Bastia

**Bastia**
	Bastia
	Logo
Nome completu	Sporting Club de Bastia
Nickname(s)	I Turchini
Fundatu	1905
Stadiu	Stadiu di Furiani
Capacità	16,480
Presidente	Pierre-Marie Geronimi
Allinatori	Frédéric Hantz
Leca	Leca 1
2011-2012	Leca 2, 1.

	Domiciliu

	Esteriore

U Sporting Club Bastia hè un club corsu di pallò di a cità di Bastia.

Storicu [mudificà]

Esiste dipoi u 1905 è hè statu creatu da un svizzeru. A pocu à pocu a squadra bastiaccia hà da piglià a suprana nantu à l'altre squadre isulane. Cullatu in prima divisione francese in u 1968, u SCB hà da scrive e più belle pagine di a so storia in l'anni 70. Ghjunghje in finale di cuppa di Francia contr'à Marseglia è perde 2 à 1 in u 1972. L'annu dopu ghjoca a cuppa d'Auropa (eliminazione contr'à l'Atlético Madrid à u primu giru).

Ma u Sporting Étoile Club de Bastia si face scopre da l'Auropa sanna quand'ellu riesce à andà in finale di a cuppa di l'UEFA innù a stagione 1977-78. Innù u so picculu Stadiu di Furiani, i turchini riescenu à eliminà u Sporting di Lisbona, Newcastle, Torino, Iena è i Grasshoppers di Zurich. In finale serà battutu da u PSV Eindhoven. Cunduttu da u grande Claude Papi, s'hè fattu cunnosce è hà surpresu l'Auropa sana di u ballò cù u so ghjocu spetaculare è generosu.

U SECB vince a cuppa di Francia in u 1981, battendu à Saint Etienne.