Scupinu

À prupositu di Wikipedia
Andà à: Navigazione, Ricerca
U scupinu
Hedgehog fungi.jpg
Hydnum repandum
Classificazione scentifica
Regnu Fungi
Divisione Basidiomycota
Classa Homobasidiomycetes
Ordine Thelephorales
Famiglia Hydnaceae
Generu Hydnum
Nome binuminale
Hydnum repandum
Linnaeus, 1821
Hydnum repandum JPG1.jpg

U Scupinu (Hydnum repandum) hè un tipu di fungu chì faci parte di a famiglia di l' Hydnaceae. Si scontra à spessu in e liccete, in e faiete o in i pinete.

Semmelstoppelpilz Okt 07.jpg

U pede hè maiore, cilindricu è bianchicciu. Hè largu da 1,5 à 3 cm. U cappellu hè largu da 3 à 17 cm. U sottu di u cappellu hè cupertu à ache. Hè per via di quessa chì 'ssu tipu di fungu hè chjamatu "fungu ricciu" in parechje lingue, è in particulare in inglese.

Ci hè una spezia di fungu chì s'assumiglia assai à u scupinu, è chì hè cunsiderata certe volte cum'è una varietà di scupinu: u scupinu russicciu. Ma u scupinu russicciu (Hydnum rufescens) hè russicciu o arancinu, a so forma hè più regulare, più tonda. Hè dinù più chjucu, più mollu.

Un sinonimu di Hydnum repandum hè: Dentinum repandum .

Accade qualchì volta ch'è u scupinu fussi cunfusu incù a ghjalletta, chì anu u culore chì s'assumiglia. ma in cunfrontu di a ghjalletta, u scupinu hà l'ache sottu u cappellu.

U scupinu hè un fungu manghjarecciu. Hè appena amaru quand'ellu hè vechju, è ci vole à fà lu coce bè.

In Corsica[mudificà | edità a fonte]

U scupinu hè cumunu in Corsica. U nome corsu vene da u fattu chì 'ssu fungu si trova à spessu vicinu à a scopa. Ma si scontra dinò à spessu à mezu à e leccie.

Altri nomi corsi di u scupinu sò: u scupignu, u scupaghjolu.

Referenze[mudificà | edità a fonte]

Ligami[mudificà | edità a fonte]

Da vede dinò[mudificà | edità a fonte]