Muvra

À prupositu di Wikipedia
Andà à: Navigazione, Ricerca
A Muvra
A Muvra corsa
A Muvra
Classificazioni/e scentifica
Regnu: Animalia
Phylum: Chordata
Classa: Mammalia
Ordini/e: Artiodactyla
Famiglia: Bovidae
Sottufamiglia: Caprinae
Genaru: Ovis
Spezia: O. gmelini musimon

Template:Taxobox section trinomial

A Muvra corsa
L'incurratura di u muvronu, Ovis musimon

A Muvra (Ovis gmelini musimon) hè un animali chì faci partita di a famiglia di i Bovidae. Tutti i muvri chì si trovani in Auropa uccidentali sò di sterpa corsa o sarda. A muvra hè un animali emblematicu di a Corsica. U masciu si chjama u muvronu, a femina si chjama a muvra, i chjuchi sò u muvreddu è a muvredda. U masciu ghjovanu hè l'arghjetu.

Discrizzioni[mudificà | edità a fonte]

A muvra corsa hè più chjuca cà l'altri muvri d'Auropa (da 60 a 75 centimetri). Pesa da 25 à 35 chilò par a muvra femina è da 35 à 50 chilò par u muvronu. U corpu hè cortu ma eliganti. A coda hè corta corta. U muvronu hà i corra inturchjulati (da 80 à 90 centimetri). A muvra t'hà i corra fini è pochi incurvati ; coprani à mità di i muvri femini. U pilamu hè brunu scuru ma più chjaru d'istati. Masciu è femina sò facciati è portani tremindù una tacca bianca, carattaristica di a razza, annantu à a "sedda". I sterchi s'assumigliani à quiddi di i capri salvatichi. U vaghjimu hè a staghjoni di "l'amori". Si vedi tandu lotti viulenti trà i masci, di radu murtali. U muvronu t'hà un carrataru suciali. D'inguernu ancu a nivi u gruppu di muvri impiaghja. Di branu, i femini catiddighjani d'un solu chjucu par annu. D'istati i muvri coddani in alta muntagna. A muvra hè vegetariana : "l'arba muvredda" (Armeria multiceps) custituisci l'escinziali di a so alimentazioni. I muvri t'hani pochi numichi : l'acula, a vulpi, u ghjacaru.

Prutizzioni[mudificà | edità a fonte]

A muvra hè prutettu da :

  • a cunvinzioni internaziunali di Washington (CITES) chì intardisci u cummerciu di i spezii di fauna è di flora minacciati di sparizioni.
  • a cunvinzioni di Berna
  • a dirittiva Habitat

In Corsica[mudificà | edità a fonte]

A muvra di Corsica, una illustrazione di u libru di Sir William Jardine, in 1836

Ovis gmelini musimon hè a sottuspezia particulari di muvra chì hè prisenti in Corsica. A muvra hè una parti maiò di u patrimoniu naturali è culturali di l'isula. In Corsica, i muvri si trovani in trè loca : Bavedda, u Monti Cintu è Lonca-Lindisoni. Stani da 300 à 2500 metri, in i scodda. Oghji a pupulazioni in Corsica hè stimata à 1000 animali.

A muvra hè mintuvata à spissu in a tupunimia corsa: Muvrella, a Punta Muvrareccia.



Da veda dinò[mudificà | edità a fonte]

Rifarenzi[mudificà | edità a fonte]

Liami[mudificà | edità a fonte]


WikiLettera

'Ssu articulu hè in custruzzioni. Pudeti cuntribuiscia à a so redazzioni.