Hermann Hesse

À prupositu di Wikipedia
Andà à: Navigazione, Ricerca
WikiLettera

'Ssu articulu hè in custruzzione. Pudete cuntribuisce à a so redazzione.

Herman Hesse.

Hermann Hesse (Calw, Germania, 2 di lugliu di u 1877 - Montagnola, Sguizzera, 9 d'agostu di u 1962) hè statu unu scrivanu è un filosofu sguizzeru d'urighjine alemana chì hà vintu u premiu Nobel per a litteratura in u 1946.

Vita[mudificà | edità a fonte]

Natu à Calw, paisolu chì oghje si trova in a regione alimana di u Baden-Wurttemberg, da ghjovane hà moltu viaghjatu in Italia è in India induve hà vissutu incù u so babbu missiunariu. Hà ricevutu a so educazione in Germania è Sguizzera, è hà studiatu dinù in un seminariu. Assai sensibule, in u 1892 hà circatu di tumbàssi è cusì hè statu inviatu in un centru per a salute mentale. In u 1893 hà lasciatu i studi è hà principiatu à travaglià.

Da u 1912 hè andatu à Berna d'induve hà assai criticatu a Prima Guerra Mondiale. Durante a guerra a stampa alimana hà assai criticatu Hesse per e so pusizioni pacifiste è alcuni di i so amichi l'anu dinù abbandunatu supratuttu dopu a publicazione di unu di i so articuli chì dumandavanu à l'Imperu Alimanu di ùn falà nentru à u naziunalismu. In u 1921 hà dumandatu è avutu a naziunalità sguizzera.

Hesse si hè maritatu in u 1904 incù Maria Bernouilli, avendu trè figli, ma a so unione hè finita male per via di prublemi mentali di a so moglia. In u 1924, u sicondu matrimoniu incù Ruth Wenger ùn hà duratu ch'è pochi mesi. In u 1931 s'hè maritatu in fine incù Ninon Dolbin firmendu incù ella finu à a fine di so vita. Hè mortu à 85 anni per emoragia cerebrale à Montagnola, Cantone Ticinu.

Opere[mudificà | edità a fonte]

U travagliu è a filosufia di Hesse hè stata influenzata da u penseru urientale (Siddartha, 1922) u successu hè arrivatu incù l'opera "Der Steppenwolf" dël 1927 critica à u militarismu è à u revanchismu alimanu dopu a prima guerra mundiale. Quessa pusizione l'hà resu famosu in Germania dopu a Siconda Guerra Mondiale.

In u 1946 hà ricevutu u Premiu Nobel per a literatura.

Opere[mudificà | edità a fonte]

  • 1899 - Romantische Lieder
  • 1899 - Eine Stunde hinter Mitternacht
  • 1901 - Hermann Lauscher
  • 1904 - Peter Camenzind
  • 1906 - Unterm Rad
  • 1910 - Gertrud
  • 1914 - Roßhalde
  • 1915 - Knulp
  • 1919 - Demian
  • 1919 - Klein und Wagner
  • 1919 - Märchen
  • 1920 - Klingsors letzter Sommer
  • 1922 - Siddharta
  • 1927 - Die Nürnberger Reise
  • 1927 - Der Steppenwolf
  • 1928 - Krisis: Ein Stück Tagebuch, puesia
  • 1929 - Eine Bibliothek der Weltliteratur
  • 1930 - Narziß und Goldmund
  • 1932 - Die Morgenlandfahrt
  • 1937 - Gedenkblätter, saggiu
  • 1942 - Die Gedichte, puesia
  • 1943 - Das Glasperlenspiel
  • 1946 - Krieg und Frieden, saggiu