Cubitu

À prupositu di Wikipedia
Andà à: Navigazione, Ricerca
Un cubitu di l'anticu Egittu, longu 0,52 m

U cubitu (in latinu cubitum, veni à dì ovitu) era a misura di lunghezza più cumuna di l'antichità. In parechji paesi firmeti in usu finu à l'ebbica mediivali.

Cubitu hè ancu u nomu di l'ossu di l'avambracciu.

Difinizioni[mudificà | edità a fonte]

A misura di u cùbitu era di circa un mezu metru è currispundia idealamenti à a lunghezza di l'avambracciu, à parta da l'ovitu finu à a punta di u ditu mediu.[1]

Misuri di i cubiti in u mondu anticu[mudificà | edità a fonte]

U cubitu variava sicondu u sistemu metricu usatu sienti i cità: à Atena misurava circa 0,525 m (era dittu pichis (πήχης) o pecus in grecu πῆχυς chì significheghja avambracciu; sicondu a mitulugia si rifiriscia à l'avambracciu d'Erculu).

A misura pricisa variava sicondu di i paesi:

  • Cubitu ebraicu = 44,45 cm.
    • suddivisu in 6 tefachim (palmi)
    • di u cubitu ebraicu esistini altri dui virsioni, una più grandi di un palmu (51,8 cm) è una misurata da l'ovitu finu à i nudeddi di a mani chjusa (38 cm).
  • Cubitu egizzianu = 44,7 cm
  • Cubitu riali egizzianu (niswt) = 52,3 cm
    • suddivisu in 7 palmi (schesep) o 28 dita (djeb'à)
    • multipli: canna (khet) = 100 cubiti (52,3 metri), iteru fluviali = 5.000 cubiti (2,615 km), iteru cartugraficu = 20.000 cubiti (10,46 km)
  • Cubitu sumericu di Nippur = 51,86 cm
  • Cubitu rumanu = 44,4375 cm
  • Cubitu inglesu (cubit) = 45,72 cm
    • suddivisu in 18 pollici, currispondi à un pedi è mezu

Citazioni di misuri[mudificà | edità a fonte]

  • Sicondu a Bibbia, Golia saristi statu altu sei cubiti è un palmu (circa 2,75 metri, s'è 1 cubitu ebraicu = 44,45 cm).
  • Sicondu a Bibbia, l'Arca di Noè saristi stata longa 300 cubiti (circa 133,35 metri, s'è 1 cubitu ebraicu = 44,45 cm).

Noti[mudificà | edità a fonte]

  1. (in inglesu) Cubitu


Fonti[mudificà | edità a fonte]

'Ss'articulu pruveni in parti o in tutalità da l'articulu currispundenti di a wikipedia in talianu.