Wikipedia:Cunsigli par scriva un articulu
Eccu uni pochi di cunsigli par scriva un articulu. Si ricerca avà una certa qualità è l'articuli bioti ùn sò più accittati. L'articuli incù un un'infrasata o una linia ùn sò micca intarissanti nemmenu. Viditi par asempiu l'articuli annantu à a Sicilia o a cità di Palermu. Quissi cunvenini parfittamenti. Quì ùn si cerca micca a quantità ma a qualità.
Scriviti in corsu supranacciu (cismuntincu respettivamente) o suttanacciu (o pumuntincu), com'è vo vuleti. 'Ssa manera di fà rispettà a diversità chì caratterizeghja a lingua corsa. Ma l'articulu devi essa cuerenti, devi essa tuttu in cismuntincu, rucchisgianu o taravesu, micca un mischiu di parechji variità:
- in a varietà cismuntinca di a lingua corsa: A Sicilia hè a più grande isula di u Mare mediterraniu è hè una regione taliana; a capitale amministrativa di l'isula hè Palermu.
- in a variità taravesa di a lingua corsa (chì faci parti di i dialetti suttanacci): A Sicilia hè a più isula grandi di u Mari mediterraniu ed hè una rigioni taliana; a capitali amministrativa di l'isula hè Palermu.
Ci hè quantunqua una eccezzioni: hè megliu ch'un articulu annantu à Bastia o u Capicorsu fussi scrittu in a variità cismontica currispundenti di a lingua corsa. Inveci cunveni megliu par asempiu ch'è l'articulu annantu à u Taravu fussi scrittu in a variità taravesa, è ch'è l'articulu annantu à u Casteddu di Tappa fussi scritti in a variità sartinesa.
Infini: s'è vo ùn cunnisciti micca a lingua corsa, hè megliu à ùn scriva micca quì. Ùn sò micca accittati l'articuli fatti incù i traduttori automatichi chì producini testi di bassa qualità.
L'articuli corti corti ùn sò micca utuli ed hè megliu à ùn iscriva li micca. Vulemu articuli schietti è più o menu cumpletti: si cerca a qualità è micca a quantità.
Amparera di a lingua corsa
[edità a fonte]Impara u Corsu (corsu cumplettu, 3 nivelli)
- Dizziunariu
INFCOR-Banca di dati di a lingua corsa [1]
- Grammatica
A lingua corsa (grammatica cumpleta)
- Traduzzione
Traduce da u francesu à u corsu (sperimintale)
Noti
[edità a fonte]- ↑ Ma attenti chì INFCOR mintuveghja certi paroli chì a so urtugrafia t'hà un intaressu storicu, ma sò cascati in disusu è 'ss'urtugrafia hè cunsidarata avà un sbagliu urtugraficu. Dunqua ùn ci vò micca d'imprudà li. Par isempiu corzu si scrivi corsu in corsu mudernu, macchia si scrivi machja.