Wikipedia:Articulu28

À prupositu di Wikipedia

Samperu Corsu (o Sampieru Corsu) hè un parsunaghju celebru di Corsica. Fiddolu di capraghju è purcaghju, hè natu u 23 di maghju 1498 in Bastelica, in u poghju di Duminicacci. Ghjuvanottu, diventa cunduttieru; si missi tandu à u sirviziu di Ghjuvanni di Medici in Fiurenza è dopu à u sirviziu di i rè di Francia, Francescu u prima è Arrigu II. U corsu scumbatti ancù curaghju è lotta accantu Bayard. Diventa culuneddu di l'infantaria corsa.
In 1547 Samperu Corsu rientra in Corsica è spusa a so cucinedda Ghjuvannina, chjamata dopu Vannina d'Urnanu, ricca è più ghjovana di 32 anni. I genuvesi si misfidani d'issu vecchju suldatu è u facini ancu imprighjunà. Libaratu da u rè francesu Arrigu II, vedi a so casa di Bastelica strisciata da i genuvesi. Era un'offesa murtali! Samperu Corsu circò à vindicà si d'eddi duranti tutta a so vita. Par fà a guerra contra a Republica genuvesa s'adunisci ancu à u rè di Francia è à i Turchi. In 1553 a cunquista di l'isula hè dicisa: i suldati francesi, a marina turca è Samperu Corsu sbarcani in Bastia (...)