Wikipedia:Articulu24

U Cervu di Corsica (Cervus elaphus corsicanus) hè un mammiferu chì faci partita di a famiglia di i Cervidae. U Cervu di Corsica hè una sottuspezia di cervu (Cervus elaphus). Hè statu ossirvatu pa a prima volta in Corsica. Ma Cervus elaphus corsicanus hè endemicu di a Corsica è a Sardegna. U cervu di Corsica pesa circa 100 kilò. U cervu femina, a ronca, pesa circa 800 kilò. I nasciti si pruducini da maghju à lugliu. U cervu pò campà sin'à 14 anni.

U cervu di Corsica mangna a lamaghja, a scopa, l'arbitru, u listincu, i frondi è a ghjandi di a leccia.

Ci sò uni pochi di diffarenzi trà u cervu di Corsica è di Sardegna, è u cervu cumunu d'Auropa uccidintali (cervus elaphus). U cervu di Corsica hè più chjucu. I so ghjambi sò più corti. U so pelu dinò hè appena più scuru. È l'incurratura di Cervus elaphus corsicanus hè menu sviluppata è impurtanta ca quidda di u cervu cumunu (cervus elaphus).