Voceru per Matteiu
(Reindirizzamentu da Vociaru par Matteiu)
U Voceru per Matteiu (o Vociaru par Matteiu) hè un voceru di Corsica. Hè statu publicatu in i Canti populari corsi di Salvatore Viale (1855). Canta a surella dopu à a morte di Matteiu.
U voceru
[mudificà | edità a fonte]- Ch'ella struca la so razza
- È quantu li ne dipende.
- Ammazzaste u me fratellu
- Che facia le so faccende.
- Dunde voglia ella venissi
- Vo l'aviate messu e tende
- Tuttu ciò ch'hè guaitatu
- O tostu o tardi si prende.
- Eu nun parlu qual' hè statu,
- Nè quì dicu qual' ell'hè
- Lasciu ognunu in casa soia
- Lasciu ognunu in so tenè.
- O altissimu Gesù
- Lu rimettu tuttu à tè.
- Or avà vogliu vultà ne
- In versu à lu Fiuminale
- Versu duve u me culombu
- Si lasciò le piume è l'ale
- Camminandu pe' la strada
- Senz' avè mai fattu male.
- La morte, hè veru, hè cumune ;
- Ma questu hè particulare.
- Nun ne possu più discore ;
- Ch'è mi cresce troppu u dolu ;
- Perchè di cinque fratelli
- Ma ch'è dui nun mi ne trovu.
- L'avete truvatu dolce
- U sangue di Petrachjolu !
- Semu accinti di gendarmi
- Di sullati è di sergenti :
- Sgùttanu li me fratelli,
- È ci sgrignanu li denti.
- S'ella bè ne l'occasione
- Si vedrà s'è siamu cuntenti.
- Qual'hè statu ch'hà tiratu
- Oh trista ! À la me candella ?
- Oh s'è pudessi arivà lu
- È passà lu di cultella !
- O Matteu di la surella
- Sarai trivella di senu.
- Ti l'avia ridetta tantu
- Vinti volte eranu almenu
- Ch'è' ind'u core di sti latri
- Nun ci stava ch'è velenu.
- O chì invidia maladetta !
- Una peste li divora :
- Stanu sempre à la veletta
- Nè ci lascianu esce fora
- Tempu hè da fà ne vindetta
- È mandà li à la malora.
- O Mattè, chì strappa core
- Mi punghje l'ochji la notte.
- À siccà mi ni lu me fiore
- Ci vulianu tante votte ?
- Aiutate mi, o surelle :
- Mi sentu le vene rotte.