Voceru per Larione

À prupositu di Wikipedia
(Reindirizzamento da Vociaru par Larionu)
Jump to navigation Jump to search

U Voceru per Larione (o vociaru par Larionu) hè un voceru di Corsica. Issu voceru hè niulincu. Una donna di u Niolu canta per un abbate chì si chjamava Larione è hè statu tombu in Balagna in u 1740.

U voceru[mudificà | edità a fonte]

He falatu lu fiadone
Ed hè ghjunta la curtina;
Perched ellu m'avia dettu
Ch'eo saria la so matrina...
Or chi mai l'averia criduta
Oghje tamanta ruvina?

Vultendu versu unu di i nemichi chì guarda ridendu à a so finestra:

Ridi puru à lu purtellu
Eppò nun purtà più fretu;
Passa puru per la Costa
È per Muru è Felicetu:
Ma lu sangue di Larione
T'hà da esse tantu acetu.
Eiu un gottu di u so sangue
Mi lu vogliu mette in sennu:
Ind'u paese di Muru
Ci vogliu sparghje lu velenu.
Un sangue cusì ghjentile
Si l'hà betu lu terrenu.
Oh lu mio grande di spiritu
Lu mio bellu di persone!
Oh lu mio attu à le poste!
Oh lu mio forte leone!
L'ete tombu à tradimentu
Lu mio caru Larione.

Referenze[mudificà | edità a fonte]