Vociaru di Ghjuvan Cameddu
(Reindirizzamentu da Voceru di Ghjuvan Camellu)
U vociaru di Ghjuvan Cameddu (o voceru di Ghjuvan Camellu) hè un vociaru di Corsica.
U vociaru
[mudificà | edità a fonte]- Quel tonu trimenti è forti
- Da partuttu ascoltu assai
- Quiddu chì annunciò la morti
- Di Cameddu Nicolai
- Quiddu banditu d'onori
- O Corsica più nun hai.
- Cameddu ùn andava à stazzi
- Nè capanni nè mulini
- Chì abitava li palazzi
- Frà nobuli cumpagnii
- Era tinutu in istima
- Sempri in festa è alligria.
- In a cunfini di la Testa
- Ci era matrimoniu è baddu
- Ch'edda ci ghjunghi la pesta
- Cun li sprona è da cavaddu
- Eppo subarcà li tutti
- Quiddi ch'anu cummissu u faddu.
- Nun s'era mai intesu à lu mondu
- Nè lettu in la scrittura
- Chì ad omu furibondu
- La donna facia paura
- Di tirà li di pistola
- Contru la matri natura.
- Fusti traditori di Cristu
- Più di Ghjuda sè ribeddu
- Par un misiriosu acquistu
- Vindisti à Ghjuvan Cameddu
- Tirati lu coddu à la corda
- Hè lu sicondu to frateddu.
- O Camè lu me cucinu
- O Camè lu me frateddu
- Quali hè statu l'assassinu
- Chì t'hà portu à lu maceddu
- Par fani subir à teni
- Quistu barbaru flageddu ?
- Sonu in dolu li fiori dli prati
- Più nun canta varunu aceddu
- Dicini chì ani ammazzatu
- L'eroi Ghjuvan Cameddu.
- Eu lu bagnu dlu mio pientu
- Ma nun credu chì sia eddu.
Rifarenzi
[mudificà | edità a fonte]- Peretti, Petru Paulu, Campu, 1966