Voceru di Cesariu è di Cappatu
U Voceru di Cesariu è di Cappatu hè un voceru corsu. Hè mintuvatu in i Canti populari di Salvatore Viale.
U voceru di Cesariu è di Cappatu[mudificà | edità a fonte]
In morte di Cesariu è di Cappatu
- Ghjesù, Ghjuseppe, Maria,
- Santissimu Sacramentu,
- Ora tutti in cumpagnia
- Aiutate stu lamentu ;
- Chì da per tuttu risoni
- La morte di dui campioni.
- Or girate lu cantone,
- È girate u circundariu,
- Chì sia simile à Cesariu
- Nun truvate una persone,
- Unu ch’abbia a so presenza,
- La so lingua, è la so scienza.
- Lu latrone di Martini,
- Lu figliolu di Passione
- S'impustò in u pruniccione
- Cunsigliatu da i Mastini;
- Quandu poi li venne a pare,
- Li tirò è lu fè cascare.
- Tirò à fermu lu so colpu
- Lu famosu latrunchjinu,
- Chì lu chjamanu Malchjinu,
- Di pistola, o fusse schjoppu;
- Li passò lu core in pettu,
- Cum'è pinzu di stilettu.
- Cappatu, cum'è un Leone,
- Bench’avesse una ferita,
- Si lampò sopra Tangone,
- Chì li dimandò la vita,
- È mustrava pentimentu
- Per tumbà lu à tradimentu.
- Avà lu cuppiolu hè mortu
- Ma lasciò Paulu in vita,
- Chì sarà Primu Eremita
- È si chjama Paulu-tortu;
- S’ellu piglia la campagna,
- Qualchì pochi si ne lagna.
- Or lasciate chì a campagna
- Sia scuperta è senza neve:
- Sarà male per la pieve
- Da la piaghja à la muntagna;
- Perch'u male hè cumu u focu,
- Chì si sparghje in ogni locu.
- Or magnatu u vostru pane,
- È biite u vostru vinu;
- Noi di questu ùn ne vulemu,
- Ma di lu vostru sanguinu,
- In vindetta di lu nostru,
- Chì l’avemu à lu strascinu.
- Ùn hè què lu paesacciu,
- Chì tinia lu mè cuginu?
- Ch’ellu ci scappi lu focu
- È nun ci abiti più nimu!
Una vechja.
- Acchitate vi, o surelle,
- È finite stu rumore:
- Matteiu un vole vindetta;
- Chì stà in celu cù u Signore.
- Or guardate la sta bara;
- Mirate, surelle care,
- Ci stà sopra Ghjesù Cristu,
- Chì ci insegna à pardunà ne:
- Ùn spignite li vostri omi;
- Abastanza hè torbu u mare;
- Perch’avale emu d’avè,
- Eppò avriamu da dà ne.