U Mio Paese (Ghjuvan' Petru Lucciardi)

À prupositu di Wikipedia

U Mio Paese hè una puesia di Ghjuvan' Petru Lucciardi (1862-1928). Face parte di i Canti Corsi, publicati in u 1921.

U Mio Paese[mudificà | edità a fonte]

O caru, Santu Petru, quant' hè bellu !
Hè spergugliatu è ascostu à tramuntana,
Si diceria chì parte in caravana...
À u mondu ùn si ne trova cum’ed ellu.


Hè di u Nebbiu lu spechju è lu giuiellu,
Cun dodeci paesi per cullana ;
Si stà cuntentu, espostu à la sulana
È accoglie à bracce aperte à questu è à quellu.


Quand' u vecu mi ride da luntanu
Cume una mamma à li so figliulelli ;
Eiu, allegru, l’inviu un basgiamanu ;


È corru à salutà vechji è zitelli ;
E case, e piazze, e le stradelle appese...
L’amu più ch'è à me stessu, u mio paese !

Riferimenti[mudificà | edità a fonte]

  • Ghjuvan Petru Lucciardi (1921) Canti Corsi, Castelnaudary, Sucietà d'Edizione Occitane.

Da vede dinù[mudificà | edità a fonte]