Tissitura Verde e Turchina

A sprissione Tissitura verde è turchina sorge di unu di l'arnesi i più impurtanti chi si ritruvanu nanta a leghje Ingaghju Naziunale pè l'Ambiente di u 2010, stratta da u Grenelle di l'Ambiente. A tissitura hè fatta da a reta di curridori biológichi (o di curridori ecologichi, esistenti o da restaurà), è di curridori di paesaghji, è di pozze "serbatori di biodiversità". U so scopu hè d'impedisce a perta di biodiversità (straurdinaria è urdinaria), u paisaghju essendu di più in più frastagliatu, sezziunatu, fragmentatu. Hè dinò a versione naziunale francese di a reta ecologica paneuropea.

Discrizzioni

A tissitura deve cuntribuisce à:
- sminuì a frammentazione è a vulnerabilità di l'abitati naturali, è tene contu di u spiazzamentu di e spezie indè u contestu di u cambiamentu climaticu;
- priservà è ligà i spazii impurtanti pè a biodiversità, cù i curridori;
- priservà i stagnoli, e padule, i fiumi, e sponde di fiumicelli, corsi d'acqua (zone umide, estuarii ...);
- facilità i scambii genetichi necessarii à a sopravivenza di e spezie;
- migliorà a qualità ed a diversità di i paesaghji.

(Codice dell'Ambiente, articulu L. 371-1).

Storia

Fubbi capitu chì a cunnettività di i spazii naturali hè nicissaria à a so risilienza / risitenza. Hè perciò i ghjuristi ani elaburatu cunvenzioni internaziunali, testi eurupei è legi:
- A Cunvenzione nanta a Diversità Biológica (Rio, 1992): u tuttu primu paragrafu ramminta a valore di a diversità.
- A strategia paneuropea pè a prutezzione di a diversità biològica è paesaghjera (1995): primu testu internaziunale spiegandu u cuncettu di reta. - A leghje Voynet, Acconciu è Sviluppu durèvuli (o à longu andà) di u territoriu, di u 25 di ghjugnu di u 1999, menziuna in u so articulu 23:
e rete ecologichi, i curridori è l'estensione di i spazii prutetti chi occore di urganizà.
è sibula i territorii sgradati è l'azzione di ricunquista ecologica chi ani bisognu.

Frammentazione di u spaziu. Vicinu a a piaghja de las Arenas, Manilva, Spagna.