Vai al contenuto

Tauonu

À prupositu di Wikipedia

A particula tauonu (nutata τ) hè una particula elementaria di carica negativa è di massa 1 777 MeV/c2.[1] Li hè assuciata un'antiparticula è un neutrinu.

Classificatu frà i liptoni, hè una particula di materia di terza generazioni chì si disintegra prestu par via di l'interazzioni debuli in una particula stabuli in un tempu di 2,9x10-13 s. Par causa di a leghji di cunsirvazioni di u numaru di liptoni (l'uscillazioni di i neutrini forza 'ssa leghji), un neutrinu tauonu hè criatu quandu un tauonu si disintegra in un liptonu più lighjeri è un antineutrinu currispundenti (in 35% di i casi) o in unu o parechji pidini (in 65 % di i casi). Difatti, u tauonu hè u solu liptonu chì si pò disintigrà in adroni. Eccituatu a so massa più impurtanti è a so instabulità, u tauonu hè listessu à l'elittronu.

Storia[mudificà | edità a fonte]

A particula tauonu hè stata scuparta mentri i sperimenti fatti trà 1974 è 1977 da Martin Lewis Perl è i so culleghi di u SLAC. Grazia ad eddi, hà ricivutu u premiu Nobel in 1995, ch'eddu hà spartutu incù Frederick Reines. Quist'ultimu hà vintu u premiu par a scuparta di u neutrinu.

Atomi esotichi[mudificà | edità a fonte]

A parsona s'aspetta ch'è u tauonu possi furmà atomi esotichi com'è altri particuli subatomichi carchi. Unu trà eddi, chjamatu tauonium par analugia incù u muonium, saria cumpostu di un antitauonu è di un elittronu. Un antru hè l'atomu d'onium cumpostu di un tauonu è di un antitauonu. Hè chjamatu sputicu tauonium ed hè difficiuli à individuà chì u tauonu hà una durata di vita corta corta à i debuli energii (micca rilativisti) richjesti par furmà 'ssu atomu. A so idantificazioni hè impurtanti par l'elettrudinamica quantica.

Da veda dinò[mudificà | edità a fonte]

Note[mudificà | edità a fonte]

  1. 'Ss'articulu pruvene in parte da l'articulu currispundente di a wikipedia in talianu.