Tantazioni di Sant'Antonu

À prupositu di Wikipedia
Andà à: Navigazione, Ricerca
U panneddu cintrali di u tritticu

A Tantazioni di Sant'Antonu (o Tentazione di Sant'Antone) hè un tritticu di u pittori di i Paesi Bassi Ghjirolmu Bosch, attualmenti espostu à u Museu Nacional de Arte Antiga di Lisbona (Portugallu). U tritticu di a Tantazioni di Sant'Antonu hè una pittura à oliu chì u so panneddu cintrali misura 131,5 x 119 cm è i panneddi laterali 131,5 x 53 cm.[1]

U tema : San Antonu[mudificà | edità a fonte]

Versu a fini di u Medievu, quandu i guerri è i malatii facini danni trimendi, appariti u cultu floridu di i santi è di i so reliquii. Sant'Antonu, à spessu ripprisintatu com'è un vichjaconu barbutu, era particularamenti viniratu è pruteghjia da u focu di Sant'Antonu. U spronu hè un funzu parasitu di a sela (chì a so farina servi à a fabricazioni di u pani) chì pruvucheghja una cancarena dugliosa (chjamata " Focu di Sant'Antonu "), allucinazioni, è ancu psichosi chì funi intarpritati à l'ebbica com'è manifistazioni diabolichi. Sant'Antonu era dinò u santu prutittori di l'animali d'addevu è particularamenti di u porcu. In 'ssu dipintu, a parsona pò veda i rifirimenti à A Lighjenda durata di Ghjacumu di Voragine (seculu XIII) chì cuntava i tantazioni di u santu in u disertu d'Egittu.

'Ssu dipintu, in parfetta cunfurmità incù u cristianesimu, ghjoca annantu à l'alliguria riligiosa, i simbuli mistichi, è ancu esuterichi o astrulogichi di a so ebbica è annantu à l'illustrazioni di sprissioni pupulari lucali chì sò pochi capiscitoghji à i ghjorna d'oghji.

Discrizzioni[mudificà | edità a fonte]

A Tantazioni di San Antonu
Sinistra : The Flight and Failure of St Anthony
Panneddu cintrali : A Tantazioni di Sant'Antonu
Dritta : San Antonu in meditazioni


Panneddu di manca[mudificà | edità a fonte]

San Antonu minatu da i diavuli (Dittagliu)

In a parti supiriori, Sant'Antonu hè minatu da i diavuli. U sguardu si poni in terra incù una ripprisintazioni nuvedda di u Santu, assà addibulitu da a so caduta è succorsu da dui frati è un laicu chì i so tratti sò ripprisintati incù una grandi accuratezza è sariani, siont'è certi iputesi, quiddi di u pittori. A terra ind'eddu casca u Santu hè un locu cupartu à custruzzioni strani è pupulatu à abitanti inimaginevuli.

Dittagliu

U mali ci hè dignalocu. L'omu-casa evucheghja un burdeddu è ancu prubabilamenti a sudomia. L'architittura animali griddu-pesciu divurendu un antru pesciu incarna un mondu in cunflittu tutali è pirmanenti capaci di caghjunà i dignitarii ecclesiastichi dinò mustruosi. Ancu i loca in apparenza calmi, u mari, a spiaghja, è i paisaghji piaghjinchi sò spiritati di prisenzi inchitanti, discreti par certi (u naufraghju) più evidenti par d'altri com'è u ghjigantescu corpu fertu di l'omu-casa.

Sottu à u liveddu di a terra, u righjistru infiriori di l'acqua ghjilata dà annantu à un'apartura chì pari cumunicà incù un spaziu infernali.


Panneddu cintrali : A Tantazioni di Sant'Antonu[mudificà | edità a fonte]

U Santu si trova guasgi à u centru giumetricu di u dipintu : puntu di cunvirghjenza o di ripulsioni di parechji gruppi di curteghji di criaturi mustrusosi. Discreta è ancu piatta in un'architittura in ruvini, ci hè ancu una doppia ripprisintazioni di Ghjesù, chì indicheghja u veru stradeddu in un mondu cunfusu. I piani supiriori sò custituiti, à manca, da a pittura di un paesi in focu, mentri chì à dritta, dui navi alati pupuleghjani in modu eleganti u ghjornu splindenti.

U Santu hè achjirchjatu ma fighjula u spittatori. Ùn vedi micca, ùn voli micca veda l'essari impussibuli chì u sfidani ; di sicuru a so mani indicheghja a doppia prisenza di Ghjesù Cristu, imaghjina di a fedi autentica. A tola daretu u santu pari essa un locu di cultu. Una prucissioni di mostri si dirighji versu u santu. U prima gruppu hè custituitu da dui musicanti quandu u sicondu inveci ripprisenta una parudia di ghjustizia incù a rota maiò di u balivu esibendu u membru mozzu di un cundannatu.

Sopra à u paesi in focu, arrubani i criaturi maligni. Più in ghjò, si vedini un ponti, una vadina, una donna lavendu i panni.

U mali chì invadisci tuttu ùn risparmia mancu l'edifiziu spiritatu chì aggronda u Cristu è a so effigia. A parti supiriori di u munimentu hè pupulata di essari malefichi. A torra di a Fedi antica stà accantu à u palazzu di u Piccatu. Annantu à a torra, l'imaghjini di idulatria cunfinani incù quiddi di a leghji di Diu è di a terra prumissa ind'eddi scolani u latti è u meli, simbulizata da una gaspa d'uva giganti.

Noti[mudificà | edità a fonte]

  1. 'Ss'articulu pruveni in parti da l'articulu currispundenti di a wikipedia in francesu.

Articuli cunnessi[mudificà | edità a fonte]