Sciuppuleddu

U sciuppuleddu
Saponaria officinalis
Classificazioni scentifica
Regnu	Plantae
Divisioni	Magnoliophyta
Classa	Magnoliopsida
Ordini	Caryophyllales
Famiglia	Caryophyllaceae
Genaru	Saponaria
Nomu binuminali
Saponaria officinalis Linnaeus, 1753

U sciuppuleddu (o sciuppulellu) (Saponaria officinalis) hè una pianta chì faci parti di a famiglia di l'Caryophyllaceae.

Discrizzioni

U fustu erettu è tisgiu hè altu da 40 à 70 cm. I fiora sò longhi è uvali. Sò simplici o doppii, è ani cinqui petali. U so culori hè biancu o rusulinu. Sò appena prufumati. I fiora s'aprini a sera. U sciuppuleddu fiurisci da ghjugnu à sittembri. I casci sò lisci, opposti è longhi 4 à 12 cm, incù trè o cinqui narvaturi paralleli è senza picciolu. U sciuppuleddu si trova da l'Auropa fin'à a Siberia, in Asia uccidintali, ed è stata introdutta ancu in America. A sissualità di a pianta hè ermafrodita.

U sciuppuleddu hè assà cumunu in Corsica.

Tassunumia

Parechji sinonimi di Saponaria officinalis sò:

• Silene saponaria Fr.
• Saponaria vulgaris Pall.
• Saponaria officinalis var. glaberrima Ser.
• Saponaria hybrida Mill.
• Bootia saponaria Neck.

Usi

U sciuppuleddu cunteni a sapunina, una sustanza tossica hè cuntinuta in i radichi. Quand'eddi sò siccati è nittati, i radichi di u sciuppuleddu poni serva par fabricà una polvara chì s'usa com'è savonu.

In Corsica

U sciuppuleddu hè ancu chjamatu u savonu, l'arba savonu, a sapunella, a savunetta o ancu l'arba à savunetta, chì 'ssa pianta era usata com'è savonu o ancu comu lisciva. Era imprudata par lavà si i mani sdrufinendu i fiora incù un pocu d'acqua, o ancu par lavà i panni, dopu à avè la fatta bodda in acqua.

Bibliugrafia

• Conrad, Marcella, I corsi è e piante salvatiche, avà è innanzi, 1981, Adecec
• Paulu Simonpoli, E piante salvatiche - Cunniscenze è usi, 1982, Parcu Naturale di Corsica

Gallaria d'imaghjini

• 
• 
• 
• 

Da veda dinò

• i fiori di Corsica
• Canofula
• Curu
• Saponaria ocymoides alsinoides

Liami

• I pianti di Pecita
• A flora di Balagna