Sciuppuleddu

	U sciuppuleddu

Saponaria officinalis

Classificazioni scentifica

Regnu

Plantae

Divisioni

Magnoliophyta

Classa

Magnoliopsida

Ordini

Caryophyllales

Famiglia

Caryophyllaceae

Genaru

Saponaria

Nomu binuminali

Saponaria officinalis
Linnaeus, 1753

U sciuppuleddu (o sciuppulellu) (Saponaria officinalis) hè una pianta chì faci parti di a famiglia di l'Caryophyllaceae.

Discrizzioni[mudificà | edità a fonte]

U fustu erettu è tisgiu hè altu da 40 à 70 cm. I fiora sò longhi è uvali. Sò simplici o doppii, è ani cinqui petali. U so culori hè biancu o rusulinu. Sò appena prufumati. I fiora s'aprini a sera. U sciuppuleddu fiurisci da ghjugnu à sittembri. I casci sò lisci, opposti è longhi 4 à 12 cm, incù trè o cinqui narvaturi paralleli è senza picciolu. U sciuppuleddu si trova da l'Auropa fin'à a Siberia, in Asia uccidintali, ed è stata introdutta ancu in America. A sissualità di a pianta hè ermafrodita.

U sciuppuleddu hè assà cumunu in Corsica.

Tassunumia[mudificà | edità a fonte]

Parechji sinonimi di Saponaria officinalis sò:

Silene saponaria Fr.
Saponaria vulgaris Pall.
Saponaria officinalis var. glaberrima Ser.
Saponaria hybrida Mill.
Bootia saponaria Neck.

Usi[mudificà | edità a fonte]

U sciuppuleddu cunteni a sapunina, una sustanza tossica hè cuntinuta in i radichi. Quand'eddi sò siccati è nittati, i radichi di u sciuppuleddu poni serva par fabricà una polvara chì s'usa com'è savonu.

In Corsica[mudificà | edità a fonte]

U sciuppuleddu hè ancu chjamatu u savonu, l'arba savonu, a sapunella,^[1] a savunetta o ancu l'arba à savunetta, chì 'ssa pianta era usata com'è savonu o ancu comu lisciva. Era imprudata par lavà si i mani sdrufinendu i fiora incù un pocu d'acqua, o ancu par lavà i panni, dopu à avè la fatta bodda in acqua.^[2]