San Petru d'Accia
A cappella San Petru d'Accia hè una capella di Corsica di u seculu XVII.[1] U situ di u monte San Petrone (chì in i tempi era chjamatu monte Nigheunu) hè un altu locu di u cristianesimu in Corsica. Ci si trovanu sempre oghje e ruvine di a prima basilica di Corsica vicinu à una cappella.
A cappella San Petru d'Accia hè situata à fiancu à u Monte San Petrone, à u nordu di a vetta di u San Petrone, à 1070 m d'altitudine annantu à u spiculu principale di a serra matticciosa da u Capicorsu à a Castagniccia, à cavallu annantu à e cumune di Quercitellu è di A Porta. Accantu ci sò e ruvine di a chjesa d'Accia.
Storia
[mudificà | edità a fonte]In fine di u seculu VI, Petru, vescu d'Aleria, ricevì di u papa Grigoriu I a missione di custruisce una basilica è un battisteriu annantu à i fianchi di u monte Nigheunu, à u centru di i duminii puntificali di Cellae Cupiae. 'Ssa basilica era un simpliciu palazzu rittangulare più longu ch'è largu, à l'estremità di u quale si trova una nichja o abside. In 598, a basilica era aperta à u cultu, sottu à u nome di San Petru, è pruvista d'unu prete. Trè anni dopu un presbiteriu era annessatu à u palazzu principale[2].
Descrizzione
[mudificà | edità a fonte]E ruvine cumprendenu dui bastimenti : a chjesa propria è u presbiteriu.
| « I muri di a chjesa è quelli di a casa parenu esse stati architettati tuttu d'unu trattu è à listessa epica : datu ch'è, custruiti incù listessi materiali è listessu murtaiu di calcina è di terra mischiata, sò ligati inseme è micca ghjustapposti. (Monsignore di la Foata) » |
U presbiteriu architettatu accantu à a chjesa, hà prubabilmente servutu di basamentu à a cappella San Petru.
Accessu
[mudificà | edità a fonte]
Ci si pò accede faciule da unu stradellu chì parte da a foce di Pratu (985 m) per induve passa u stradone D71.
Inquantu à u battisteriu, sottu à a prutezzione di San Lurenzu, deve marcà a lucalisazione di l'attuale paese di San Lurenzu, situatu à circa ottu chilomitri di San Petru d'Accia.
Note
[mudificà | edità a fonte]- ↑ 'Ss'articulu pruvene in parte da l'articulu currispundente di a wikipedia in francese.
- ↑ Poli (1907), p. 148 à 151
Bibliugrafia
[mudificà | edità a fonte]- Saveriu Poli, A Corsica in l'Antichità è in l'altu Medievu, Lib. A. Fontemoing, Parigi, 1907