Patellu neru

U patellu neru
Hyoscyamus niger
Classificazione scentifica
Regnu	Plantae
Divisione	Magnoliophyta
Classa	Magnoliopsida
Ordine	Solanales
Famiglia	Solanaceae
Generu	Hyoscyamus
Nome binuminale
Hyoscyamus niger Aiton, 1753

U patellu neru (Hyoscyamus niger) hè un tipu di fiore chì face parte di a famiglia di e Solanaceae. Hè una pianta erbacea, originaria d'Eurasia. Hè una pianta tossica, ricca di alcaloidi tropanichi. Si trova in Europa, in Asia bureale è occidentale, è ancu in Africa settentriunale.

Descrizzione

U patellu neru hè una pianta annuale o bisannuale sient'è a varietà, à odore sgradevule è à peli appicicanti. U picciolu pilutu è viscosu hè simpliciu per a varietà annuale è ramificatu per a varietà bisannuale. U patellu neru hè altu da 20 cm à 90 cm.

E numerose casce sò molle è dolce. Sò ovale, lungarine, à lobi disuguali triangulari è à arice acutu.

U fiore hè in generale sessile, terminatu da cinque lobi larghi attundati. U caliciu hè verde, largu 10-15 mm, à 5 denti. A curolla hè actinumorfa ma incù una saldatura appena più minore à i dui petali inferiori, gialla pallida, incù una gola purpurea o viulina. A fiuritura si svoglie da maghju à sittembre.

Tassonumia

Parechji sinonimi di Hyoscyamus niger sò:

• Hyoscyamus agrestis Kit.
• Hyoscyamus auriculatus Ten.
• Hyoscyamus lethalis Salisb.
• Hyoscyamus bohemicus F.W.Schmidt
• Hyoscyamus niger var. annuus Sims
• Hyoscyamus officinarum Crantz

Da vede dinù

• u patellu

Ligami

• E piante di Balogna