Paese di Gallia

À prupositu di Wikipedia
Andà à: Navigazione, Ricerca

U paese di Gallia (in gallese Cymru), hè una nazione senza Statu è una di e quattru nazione custitutive, è frà quelle una di e trè celte, di u Regnu Unitu.[1] Hè chjamatu Cambria in latinu. A so capitale hè Cardiff (Caerdydd in gallese), a più cità maiore di u paese di Gallia incù circa 315000 abitanti.

Sin'à a so cunquista in u 1282 da Edouard Ia d'Inghilterra, u paese di Gallia era custituitu da numerosi principati indipindenti. In seguitu à l'Attu d'Unione di u rè Arrigu VIII (chì u so arcibabbone Owen Tudor era dinù gallese), u principatu di Gallia hè diventatu una parte custituente di u riame d'Inghilterra in u 1536.

Dapoi u 1301, hè tradiziunale per u rè d'Inghilterra di cunsacrà u so figliolu maiò principe di Gallia, ancu s'è quessa ùn hè micca automatica (u titulu accurdatu automaticamente à u figliolu erede apparente di u rè d'Inghilterra essendu quellu di duca di Cornuvaglia, un'antra nazione celta incurpurata à u Riame d'Inghilterra senza esse ricunnusciuta cum'è nazione custituente di u Regnu Unitu, è quellu di principe di Gallia essendu datu à u mumentu di una cirimonia specifica).

In u 1999, un'Assemblea naziunale di Gallia hà statu istituita. A so sede hè in Cardiff. U capu attuale di u guvernu hè Carwyn Jones, membru di u Partitu travaglistu gallese.

Storia[mudificà | edità a fonte]

I Rumani anu stabilitu qualchì piazza forte in u Sudu di u paese è in a so parte occidentale, cum'è in Carmarthen (Moridunum). Anu dinù architettatu a furtezza maiò di Caerleon (Isca), induv'ellu si trova l'anfiteatru u megliu prisirvatu di Grande Brittagna.

I Sassoni sò sempre fiascati per cunquistà u paese di Gallia, tanta per causa di u terrenu muntosu, ch'è di a resistenza accanita di u populu gallese. Unu di i rè sassoni, Offa di Mercie finì per erige un grande muru di terra, " Offa's Dyke ", à a cunfine di u so paese, per delimità a parte di a rigione di u Powys ch'ellu avia ghjustu cunquistatu. Parechje vistighe di 'ssa custruzzione sò sempre visibile. I Nurmani cumpiinu per duminà u paese, ma 'ssa duminazione fubbe più prugrissiva ch'è a cunquista di l'Inghilterra da Guglielmu u Cunquistadore in u 1066. Principiata da i Sassoni, à u seculu VI, a cunquista di u paese di Gallia ùn s'ultimò ch'è in u 1282 annantu à un campu di battaglia, incù a vittoria di Edouard Ia annantu à Llywelyn l'Ultimu, l'ultimu principe indipindente. Per rinfurzà a so duminazione, Edouard architettò in a rigione parechji castelli maiò, frà i quali quellu di Caernarfon, quellu di Conwy o quellu di Harlech.

U paese hè firmatu celticu è l'usu di a lingua gallese s'hè sempre trasmessu, quandu invece in Inghilterra è in Scozia, l'usu di e lingue celtiche s'hè persu o hà largamente diminuitu.

A parola inglese Wales per designà 'ssu paese hè esciuta da a parola germanica Walh chì si traduce da "parlendu una lingua celtica o rumanica" (a parola gallese significheghja "cumpatriottu"). Omu ritrova 'ssu termine in altre lingue è in altre rigione per designà sia a pupulazione parlendu una lingua celtica o rumanica, sia e terre ind'elli stanu (Walcheren, Wallonia, Welsches, Valachia...).

Geugrafia[mudificà | edità a fonte]

U paese di Gallia hè situatu annantu à una penisula in u centru punente di a Grande Brittagna. A so superficia hè circa 20779 km2, vene à dì circa u quartu di a superficia di a Scozia. Hà una lunghezza di 270 km da u nordu à u sudu è 97 km da livante à punente. U paese di Gallia hè cuttighjatu da l'Inghilterra à livante è dau mare in l'altre trè direzzione. À u tutale, u paese di Gallia hà più di 1200 km di litturale.

Geugrafia[mudificà | edità a fonte]

Snowdonia

U paese di Gallia hè situatu annantu à una penisula in u centru punente di a Grande Brittagna. A so superficia hè circa 20779 km2, vene à dì circa u quartu di a superficia di a Scozia. Hà una lunghezza di 270 km da u nordu à u sudu è 97 km da livante à punente. U paese di Gallia hè cuttighjatu da l'Inghilterra à livante è dau mare in l'altre trè direzzione. À u tutale, u paese di Gallia hà più di 1200 km di litturale.

Esistenu parechji isule à u largu di u so litturale (a più impurtante essendu Ynys Môn (Anglesey), à u nordupunente). A maiò parte di a pupulazione è e principale zone industriale sò in Gallia di u Sudu, cumposte di a cità di Cardiff (Caerdydd), Swansea (Abertawe) è Newport (Casnewydd) è i so circondi ; un impurtante fuculaghju di pupulamentu esiste dinù in u Nordestu intornu à Wrexham (Gwrecsam). A più parte maiò di u territoriu di Gallia hè muntagnosa, in particulare in u Nordu è e rigione cintrale. E più muntagne alte di u paese di Gallia si situeghjanu in Snowdonia (Eryri), è particularmente u monte Snowdon (Yr Wyddfa), chì culmineghja à 1085 metri è chì hè a più vetta alta di u paese di Gallia. U paese di Gallia conta trè parchi naziunali : Snowdonia (Eryri), Brecon Beacons (Bannau Brycheiniog) è Pembrokeshire Coast (Arfordir Sir Benfro). Dispone dinù di quattru zone di bellezza naturale eccezziunale.


Cità è paesi impurtanti[mudificà | edità a fonte]

Pulitica[mudificà | edità a fonte]

U paese di Gallia hè un principatu dapoi u seculu XIII, sottu à u principe gallese, Llywelyn Magnu è i so figliulini, Llywelyn l'Ultimu, chì prese u nome di Principe di i Gallesi in u circondu di 1258 ed hè statu ricunnusciutu da i rè inglesi incù u trattatu di Aberconwy in u 1277.
Dapoi u 1999, u principatu dispone d'istituzione specifiche in u quatru d'una divoluzione di putere in u senu di u Regnu Unitu : un'Assemblea naziunale è un guvernu lucale.

Pupulazione è sucità[mudificà | edità a fonte]

Demugrafia[mudificà | edità a fonte]

A spiranza di vita in u paese di Gallia hè in media inferiore d'un annu à quella custatata in Inghilterra. In u 2014, hè di 78,3 anni per l'omini è di 82,3 anni per e donne[4]. un studiu publicatu in u 2013 svela chì una donna stà in una di e rigione e più povare di u paese di Gallia pò campà 10 anni di menu chì una donna stà in una rigione più asgiata[5].

Cultura[mudificà | edità a fonte]

Lingue[mudificà | edità a fonte]

A prima lingua parlata oghje hè l'inglese. A siconda lingua hè u gallese, lingua storica di u paese di Gallia, di a famiglia di e lingue celtiche è più pricisamente di u ramu brittonicu, prossima parente di u brettone cuntinentale è di u cornicu.

Dapoi u 1993, una leghje ricunnosce l'ugualità trà e duie lingue. Appariscinu dapoi un certu tempu bon parechji infurmazione è documenti bislingui, è ancu a signaletica stradale in doppia forma inglese/gallese. Dopu à u censimentu di pupulazione di u 1991, si stimava chì ci era 508098 persone parlendu gallese in u paese di Gallia. Una inchiesta ultiriore, rializata in u 1992 da u ministeru di l'Affari gallesi (Welsh Offiziu), hà eppuru stimatu chì e bon parechji persone parlendu gallese s'elevava à 930200, frà e quale 467300 parlendu un pocu gallese, 94900 parlendu lu relativamente currentemente è 368000 persone parlendu un gallese sciappatu.

À u principiu di u seculu XX, 50 % di a pupulazione parlava gallese in a vita currente. A prupurzione era cascata à u 20 % à a fine di u seculu. Grazia à l'integrazione di u gallese in l'insignamentu, hè ricullata à 23 % in u 2001 è cuntinueghja a so prugrissione. Oghje, u gallese hè a prima lingua celtica parlata in u mondu, incù più di 580000 locutori ricensati in u paese di Gallia[6] è 133000 in Inghilterra. Esiste una catena di televisione chì emette esclusivamente in 'ssa lingua (S4C), una stazione di radiu naziunale (Radiu Cymru), è altre stazione lucale diffondenu rigularmente l'emissione in gallese. Tutti i pannelli indicatori sò stampati à tempu in inglese è in gallese.

In l'insignamentu, circa 20 % di i zitelli facenu a scola solu in gallese ; per u restu, u studiu di u gallese cum'è siconda lingua hè ubligatoriu insin'à l'età di sedici anni. Per via di cunsequenza, hè in e classe d'età e più ghjovane chì omu trova u più di gallofoni. In e rigione di u Punente è di u Nordu di u paese, induve u gallese hè a lingua materna di a maiuranza, i culleghji è i licei sò piuttostu bislingui, per chì quelli chì ùn parlanu micca u gallese currentemente u possinu imparà.

Simbuli gallesi[mudificà | edità a fonte]

U dracone rossu chì figura annantu à a bandera di u paese di Gallia

U dracone rossu (Ci ddraig goch in gallese) simbulizeghja a lotta trà i Sassoni è i Celti. Una ligenda conta ch'è u rè Uther Pendragon (u babbu di u rè Arthur) vulia custruisce un castellu ma a terra trimava è ne distrughjia senza arrestu i fundamenti. U Magu Merlinu, chjamatu Myrddin in gallesi, chì avia u daziu di vighjenza, capì chì 'ssu rimusciu era cagiunatu da dui draconi : unu, u dracone biancu, avia pigliatu a piazza di l'altru, u dracone rossu, in a so caverna. U dracone rossu, chì ripprisenta di manera metaforica i Brettoni, finisceria per guadagne riguardu à l'invasore sassone.

Si cunnosce qualchì puemu, prubabilmente apocrifi, di Merlinu. Hè prubabile chì stu emblema fusse un restu di l'occupazione rumana chì l'aprudava cum'è emblema di cuorte. Hè l'insigne reale di u paese di Gallia dapoi u 1901 è, dapoi u 1959, annantu à ordine di a rigina, a bandera chì u ripprisienta annantu à un fondu verde è biancu hè a bandera gallese officiale.

U 1a marzu hè a festa di Santu Davide, evangelizadore di u paese di Gallia. Eppuru u ghjornu ùn hè micca festivu.

L'emblema di u principe di Gallia, incù e piume di struzzu

In l'onore di u santu patrone di u paese di Gallia, hè di tradizione di purtà un porru u 1a marzu. À i ghjorni d'oghje, u porru (cenhinen, plurale cennin) hè à spessu rimpiazzatu da a ghjunchiglia (chì porta guasi listessu nome in gallese : cenhinen Bedr).

L'origine di u porru cum'è simbulu ricolla à una battaglia chì si svuglì in un campu di porri, induve santu David cunsigliò à i cumbattenti gallesi di munisce si ne per distingue si di i so assaltadori. Fù una grande vittoria gallese. Per altri autori, u simbulu originale ùn seria micca un porru, ma un mazzulu di piume di struzzu (dinù un trufeu guerriere), prestu interpritatu cum'è un porru, ogettu più famigliare.

Ancu oghje, ogni 1a marzu, u più ghjovanu membru di u righjimentu di e Guardie gallese manghja un porru crudu sottu à l'acclamazione di i so pari.

È listessa, a pezza gallese di 1 sterling porta annantu à una faccia un porru, è annantu à a so fetta u mottu : " pleidiol wyf i'm gwlad " (" Eiu so fidele à a me paese "). Ci vole à nutà dinù chì a squatra di u paese di Gallia di rugby in XV hè di solitu chjamata da i so sustinidori " u XV di u porru ".

A stemma araldica di l'Assemblea naziunale di u paese di Gallia ripiglia u blasone di u principe medievale Llywelyn u Grande, circundatu da u mottu Pleidiol Wyf I'm Gwlad è altri emblemi celtichi : u porru gallese, u trifogliulu irlandese è u cardu scuzzese.

Riligione[mudificà | edità a fonte]

U druidismu, fundamentu di a civiltà celtica hè prugrissivamente sparitu da u paese di Gallia, incù a latinisazione è u massacru di i druidi da e ligione rumane in u 61 DC. U cristianesimu s'hè impiantatu à u VIu seculu : Santu Davide (Dewi Sant 515-589), u santu patrone di u paese, hè celebre per esse andatu in pilegrinagiu à Roma è avè à u so ritornu istituitu a diocese di u paese di Gallia, ancu prima chì Austinu di Cantorbéry fundesse a diocese di Cantorbery. U paese di Gallia hà sviluppatu è mantenutu un cristianesimu mischiatu di pratiche è cridenze più anziane.

À i ghjorni d'oghje, u tassu d'assistenza à e cilibrazione riligiose à u paese di Gallia hè 8,6 %, vene à dì u più bassu di u Regnu Unitu. E duie organisazione riligiose i più cumune di u paese sò a Chjesa anglicana di u paese di Gallia (Yr Eglwys yng Nghymru) è a Chjesa cattolica. Quest'ultima hè per u più cumposta da persone originarie d'altri paesi europei, soprattuttu l'Irlanda. Esistenu dinù bon parechji chjese indipindente (e chapels) - esiti di a forte tradizione non confurmista gallese - chì per a maiò parte sò ragruppate in trè federazione : a Chjesa presbiteriana di u paese di Gallia (Eglwys Bresbyteraidd Cymru) - circa 38000 membri; l'Unione di l'indipindenti gallesi (Undeb yr Annibynwyr Cymraeg) - 36000 membri; l'Unione battista di u paese di Gallia (Undeb Bedyddwyr Cymru) - 25000 membri.

Musica[mudificà | edità a fonte]

L'innu officiale di u paese di Gallia hè Hen Wlad Fy Nhadau (" L'anziana terra di i me Padri "), mentre chì God save the Queen hè l'innu officiale di u Regnu Unitu. U paese di Gallia hè reputatu per via di u numeru è a qualità di e so curale è fanfare. A musica tradiziunale hè ancu in piena rinascita. Frà i versi tradiziunali gallesi, omu pò cità Llwyn Onn.

Sport[mudificà | edità a fonte]

U Millenium Stadium di Cardiff à u mumentu di u macciu di rugby.

U sport u più populare in u paese di Gallia hè u rugby à XV. A Squatra di u paese di Gallia di rugby à XV, ancu chjamatu XV di u Porru bench'elle fussenu trè piume di Struzzu ripprisintate annantu à u logu di a squatra, participeghja ogni annata à u turneu di e Sei Nazione, cumpetizione ch'ellu hà vinta 23 volte. Dapoi u 1987, u paese di Gallia participeghja à a Cuppa di u mondu di rugby à XV. Hè statu mezu finalistu in u 1987 è u 2011. U rugby à XV in u paese di Gallia hè un sport più populare ch'è in u restu di l'isule Britanniche. Quattru squatre gallese participeghjanu à u Pro12, cumpetizione ragruppendu e squatre irlandese, scuzzese è taliane : l'Ospreys, e Llanelli Scarlets, e Cardiff Blues è e Newport Gwent Draconi, è ancu à a cuppa d'Europa di rugby à XV. 'Ssi club sò u fruttu di a riunione di club gallese, e squatre storiche sò per indettu Neath RFC, Newport RFC, Llanelli RFC, Swansea RFC o ancu Cardiff RFC. 'Sse squatre disputanu avà u Campiunatu di u paese di Gallia di rugby à XV, chì hè un campiunatu mezu prufessionnale.

Dopu à u rugby, u sport populare di u paese di Gallia hè u ballò. Nanzu a so qualifica per u Euru 2016, a Squadra di u paese di Gallia di ballò ùn hà participatu ch'è à una sola fasa finale d'un grande turneu internaziunale : a Cuppa di u mondu di ballò di u 1958, è hà aghjuntu i quarti di finale. Hà aghjuntu dinù i quarti di finale di u Euru 1976, à un'epica induve a fasa finale ùn principia ch'è à a tappa seguente. I club di ballò di u paese di Gallia participeghjanu, incù i club inglesi, à u Campiunatu d'Inghilterra di ballò. In u corsu di l'edizione 2015-2016, u solu club gallese ghjuchendu in prima divisione hè u Swansea City Assuciazione Ballò Club. Ma i ghjucadori s'illustranu dinù in 'ssu campiunatu, per indettu Ryan Giggs.

Persunalità[mudificà | edità a fonte]

Suvrani[mudificà | edità a fonte]

Puliticanti[mudificà | edità a fonte]

  • David Lloyd George, omu puliticu di u principiu di u seculu XX 53e Prima Ministru di u Regnu Unitu
  • Aneurin Bevan, puliticante sucialistu, instauratore di a sicurezza suciale britannica
  • Gwynfor Evans, puliticante naziunalistu

Riligiosi[mudificà | edità a fonte]

Attori è attrice[mudificà | edità a fonte]

Musicanti[mudificà | edità a fonte]

U paese di Gallia hè, sient'è e parole di l'innu officiale, gwlad beirdd hà chantorion, un " paese di bardi è di cantadori ". Si ne pò cità un certu numeru.

Omini di lettere, scentifichi è artisti[mudificà | edità a fonte]

Spurtivi[mudificà | edità a fonte]

Gareth Edwards, mezu di mischiata da a XV di u Porru, un di i migliori ghjucadori di a storia di u rugby.

Note[mudificà | edità a fonte]

  1. 'Ss'articulu pruvene in parte da l'articulu currispundente di a wikipedia in francese.
  2. Paese criatu sicondu i piani di l'architettu Clough Williams-Ellis è in u quale fubbe turnata a vigata televisiva U Prigiunere incù Patrick McGoohan.
  3. Hè u nome u più longu per una cità europea, incù 58 lettere.
  4. " Life expectancy increases in Wales ", BBC Wales, 19 di nuvembre di u 2014.
  5. " Life expectancy: Women in poorer areas dying sooner ", BBC News, 24 di lugliu di u 2013.
  6. Welsh Language Board

Da vede dinù[mudificà | edità a fonte]