Nazione senza Statu

À prupositu di Wikipedia
Andà à: Navigazione, Ricerca

E Nazione senza Statu sò cumunità umane chì, benchì pussidendu e caratteristiche culturale o identitarie assuciate di solitu à una nazione, ùn disponenu micca d'un Statu propiu. Assai à spessu, ùn sò micca ricunnusciute officialmente cum'è cumunità differente. [1]E nazione senza Statu sò dunque cumprese in Stati induve a nazione chì dumineghja hè differente, o ancu sparte trà parechji Stati.

Definizione[mudificà | edità a fonte]

U ricunniscimentu officiale di e nazione senza Statu hè assai varievule. In parechji stati, omu parla à palesu di nazione o di naziunalità, è in qualchì casu, quelle anu ottenute strutture amministrative o di guvernu propiu. In altri casi, a diversità naziunale ùn hè micca accittata, è u Statu cerca tandu à impone l'uniformità naziunale.

A definizione d'una nazione senza Statu pò esse sugettiva. Da una parte, campanu à spessu inseme annantu à listessu territoriu e persone incù sintimenti naziunali assai differenti. Da un'altra parte, diterminà u territoriu esattu d'una nazione pò avvirà si in certi casi difficiule. In generale, e nazione senza Statu sò caratterizate, almenu, da unu di i quattru siguenti criterii:

  • Prisenza di tratti culturali o linguistichi belli definiti è differenti di quelli di a maiò parte in u restu di u Statu.
  • Ricunniscimentu officiale da u Statu cum'è cumunità naziunale, naziunalità o simile.
  • Periudu storicu d'indipendenza prima d'una annessione
  • Prisenza d'un muvimentu culturale o puliticu chì ne rivendicheghja l'esistenza.

Articuli cunnessi[mudificà | edità a fonte]

Note[mudificà | edità a fonte]

  1. 'Ss'articulu pruvene in parte da l'articulu currispundente di a wikipedia in francese.

Ligami esterni[mudificà | edità a fonte]