Vai al contenuto

Neutrinu muonicu

À prupositu di Wikipedia

U neutrinu muonicu (νμ) o neutrinu mu, hè u neutrinu chì, incù u muone, forma a siconda generazione di leptoni, da induve u so nome di neutrinu muonicu.[1] A so esistenza hè stata supposta à u principiu di l'anni 1940 da diversi scentifichi, ma ùn hè stata scupertu ch'è in u 1962 da Leon Max Lederman, Melvin Schwartz è Jack Steinberger. A so scuperta hè stata ricumpensata da u premiu Nobel di fisica in u 1988.

Scuperta[mudificà | edità a fonte]

In u 1962, Leon Max Lederman, Melvin Schwartz è Jack Steinberger anu stabilitu ch'ellu esiste più di un tipu di neutrinu svilendu per a prima volta l'interazzione muone-neutrini (chì avia dighjà face l'ogettu di un'ipotesi è ricevutu u nome di neutrinu). U sperimentu hè statu rializatu à u Brookhaven Naziunale Laboratory è hè statu ricumpensatu da u premiu Nobel in u 1988.

U sperimentu OPERA[mudificà | edità a fonte]

U sperimentu OPERA hè un sperimentu di fisica di l'alte energie cuncipitu per studià l'oscillazione di i neutrini di u muone in i neutrini di u tauone. Si tratta di una cullaburazione trà u CERN di Geneva è i laburatorii naziunali di u Gran Sasso. In 2010, i circadori di OPERA anu ossirvatu u prima avvinimentu candidatu à esse un'oscillazione di neutrinu muonicu à tauonicu. In 2015, i circadori anu ossirvatu u quintu avvinimentu di neutrinu tauonicu, aghjunghjendu un'accuratezza statistica bastevule per dichjarà a scuperta d'oscillazione di neutrinu muonicu in i neutrini tauonichi. Di sittembre di u 2011, i circadori di u sperimentu OPERA anu affirmatu avè truvatu un'anumalia in a misura di a velucità di i neutrini chì paria esse superiore à quella di a luce, ma verificazione ultiriore, publicate di marzu di u 2012, anu cunduttu i circadori à affirmà ch'è 'ss'anumalia era ghjustificata da a prisenza di dui errori sistematichi in u dispusitivu sperimentale.

Note[mudificà | edità a fonte]

  1. 'Ss'articulu pruvene in parte da a wikipedia in talianu.

Da vede dinù[mudificà | edità a fonte]