Lucius Cornelius Scipio

À prupositu di Wikipedia
Andà à: Navigazione, Ricerca

Lucius Cornelius Scipione hè statu un omu di Statu è generale di a Ripublica rumana à u IIIu seculu nanzu G.-C., figliolu di Lucius Cornelius Scipio Barbatus (consulu in u 298 nanzu G.-C.).[1]

Biugrafia[mudificà | edità a fonte]

Scrizzione nantu à a tomba di Lucius Scipione

Hè elettu consulu in u 259 nanzu G.-C., mentre a prima guerra punica. Vitturiosu di i Cartaginesi à u mumentu di parechji cumbattimenti in Corsica è in Sardegna, distrughje Olbia in Sardegna. Sient'è Valeriu-Massimu, face magnifichi funerali à u generale cartaginese Hannon, mortu quand'ellu difendia Olbia[2]. Attacca dopu a Corsica, pigliendu di notte Alalia, ch'ellu incendia è rinoma Aleria[3]. 'Ssi successi li valenu di cilibrà un trionfu à u mumentu di u so ritornu à Roma[4].

Diventa censore l'annu dopu incù Caius Duilius[5].

Epitafiu[mudificà | edità a fonte]

Pianu di a cappella di i Scipioni. A tomba di Lucius Scipion hè nutata da a lettera B

A cappella familiale di i Scipioni hè stata ritruvata in u 1780, vicinu à l'anziana porta Capene accantu à a via Appia. Annantu à a cappella di Lucius Scipion si trova a siguente scrizzione, ridatta in latinu arcaicu è esposta à u Museu Pio Clementino di u Vaticanu. Si rimarca cusì a pronuncia arcaica di a diftonga di u titulu AIDILES, per AEDILES (edile), di a nasale HONC per HUNC è certe vucale (HEC per HIC, CONSOL per CONSUL) :

L·CORNELIO·L·F·SCIPIO
AIDILES·COSOL·CESOR
HONC OINO·PLOIRVME·COSENTIONT R
DVONORO·OPTVMO·FVISE·VIRO
LVCIOM·SCIPIONE·FILIOS·BARBATI
CONSOL·CENSOR·AIDILIS·HIC·FVET·A
НЕС·CE PIT·CORSICA·ALERIAQVE·VRBE
DEDET·TEMPESTATEBVS·AIDE·MERETO

Eccu ne a trascrizzione in latinu classicu :

Hunc unum plurimi consentiunt Romae
bonorum optimum fuisse virum
Lucium Scipionem. Filius Barbati,
Consul, Censor, Aedilis hic fuit.
Hic cepit Corsicam Aleriamque urbem
dedit tempestatibus aedem merito.

Note[mudificà | edità a fonte]

  1. 'Ss'articulu pruvene in parte da l'articulu currispundente di a wikipedia in francese.
  2. Valeriu-Massimu, Fatti è detti ricurdevuli, V, I, 2
  3. Periochae di Tite-Live, 17; Paulu Orose, IV, 7; Eutrope, Abbriviatu di storia rumana, II, 10 ; Florus, Storia rumana, II, 2
  4. Fasti triumphales
  5. Fastes capitolins