Ivanu Colonna
Ivanu Colonna (Aiacciu, 7 d'aprile 1960 – Marseglia, 21 di marzu 2022) hè statu un liberatore corsu militanti, cundannatu parchè pudaria essa l'autori di l'omicidiu di u prifettu francese Claude Érignac u 6 di frivaghju 1998 à Aghjacciu.
Biugrafia
[mudificà | edità a fonte]Natu u 7 d'aprile 1960 à Aghjacciu, si stabilisci cù a famiglia, in 1975, à Nizza induv'e Ghjuvan-Ugu Colonna (u so babbu), à l'epica prufissori d'aducazioni fisica, era statu trasfiritu. Dopu avè ottenutu u baccalauriatu D'Ivanu Colonna cumincia à studià pè avè la listessa prufissione di u so babbu ma abbandona i studi è torna in Corsica in 1981.
Si stabilisci à Carghjesi, induve addeva capri. Militeghja in muvimenti naziunalisti corsi vicini à u FLNC. Hè suspittatu d'avè participatu in quessu periudu à numarosi attintati, ma a so participazione ùn fù mai dimustrata.
In 1990, à l’epica di l'inquadramentu di i militanti di u FLNC in Canal historique, Canal habituel è Resistenza, pari chì faci un passu in daretu rispettu à u muvimentu naziunalistu.
Giandarmaria di Pitrusella
[mudificà | edità a fonte]Ivanu Colonna deve risponde d'assuciazioni di dilinquenti cù fini tarruristichi pà l’attaccu di a giandarmaria di Pitrusella (Corsica subrana) in 1997, in u cursu di a quali fù arrubbata l’arma utilizata dopu pè tumbà u prifettu francese Claude Érignac.