Impavimentu di u spaziu

Un impavimentu di u spaziu (dittu ancu inchjappiddatura di u spaziu) hè un insemu di puliedri aghjacenti chì ricoprini tuttu u spaziu, senza lascià tafona. Sti puliedri sò generalamenti in numaru infinitu. Di particulari intaressu sò l'impavimenti chì mostrani una certa rigularità, com'è quiddi furmati da puliedri tutti idantichi trà eddi.

In a natura, un asempiu d'impavimentu moltu rigulari hè datu da i bugna (à nidu d'abbi).

Asempii

Parechji solidi ani a prubità d'impavimintà u spaziu s'eddi sò ripituti indifinitamenti in tutti i dirizzioni. Frà i solidi platonichi, u cubu hè l'unicu chì t'hà sta prubità. Altri asempii sò da ricircà in i solidi non platonichi, ma avendu quantunqua una certa rigularità, com'è i puliedri archimedei o i solidi di Catalan.

• 
  Impavimentu par via di dudecaedri rombichi.
• 
  Impavimentu par via d' uttaedri truncati.
• 
  Impavimentu par via di dudecaedri rombu-esagunali.
• 
  Impavimentu par via di tetraedri è uttaedri.
• 
  Impavimentu par via di cubi.
• 
  Impavimentu di u spaziu iperbolicu par via di dudecaedri iperbolichi.
• 
  Impavimentu trapeziu-rombicu-dudecaedricu

U sestu asempiu mustratu si rifirisci à u spaziu iperbolicu: ùn hè micca pussibuli d'impavimintà l'urdinariu spaziu euclidea par via di dudecaedri rigulari.

Fonti

'Ss'articulu pruveni in parti o in tutalità da l'articulu currispundenti di a wikipedia in talianu.