Ghjinestra

A ghjinestra
250px
Calycotome spinosa
Classificazioni scentifica
Regnu	Plantae
Divisioni	Magnoliophyta
Classa	Magnoliopsida
Ordini	Fabales
Famiglia	Fabaceae
Genaru	Calycotome
Nomu binuminali
Calicotome spinosa Linnaeus, 1753

A Ghjinestra (Calicotome spinosa hè un arburettu chì faci parti di a famiglia di i Fabaceae. Si trova in i paesi è i rigioni situati intornu à u Mari mediterraniu. A ghjinestra hè alta sin'à dui metri. I fiori di a ghjinestra sò giaddi.

Tassunumia

Parechji sinonimi di Calicotome spinosa sò:

• Spartium spinosum L.
• Calicotome fontanesii Rothm.

In Corsica

A ghjinestra hè cumuna in Corsica. Hè tipica di a machja corsa, com'è a scopa o l'arbitru.

Citazioni

Accadi chì a ghjinestra fussi mintuvata in a cultura è in a litteratura corsa. Par asempiu:

• in a paghjella:

A mio ghjinestra fiurita

O quant'ella spampilleghja

Ghjunghjenu li giuvanotti

È ti facenu la veghja

Chì t'ùn mi teni più caru

Credi ch'eo nùn mi n'avvega.

• o in a canzona L'odori di i nostri mesi, cumposta da Ghjacumu Fusina è Ghjuvan Paulu Poletti, è intarpritata da Canta u Populu Corsu:

Maghju sente la ghjinestra

Chì sbuccia per lu pughjale

Inzeppisce fiuminale

Verdiceghja la campestra

L'acelli sparghjenu l'ale

Si spalanca la finestra.

Da veda dinò

• genista corsica
• l'arburetti di Corsica

Rifarenzi

• paghjella.com Inventariu di e paghjelle

Gallaria d'imagini

• 

  I spini

• 

  I fogli

• 

  I fiori

• 

  Calicotome spinosa - Museum specimen