Fast food

À prupositu di Wikipedia
Jump to navigation Jump to search
Un menu ind'è Burger King

Fast food hè una parulla inglese chì vole dì : «alimentazione rapida». Si manghja in i ristoranti «fast food». L'esempiu u più emblematicu di fast food hè a cucina di Mac Donald, una catena di ristoranti americana, chì prupone (frà altri alimenti) hamburgers, fritte, è soda. Ma esistanu ancu altri tippi di fast-food, cume a pizza, u kebab, a currywurst, i panini o ancu e bruschette.

Critiche[mudificà | edità a fonte]

Un MacDonald's in Moscù

U fenomenu di i «fast-food» hè assai criticatu, sopratuttu per esse pocu dieteticu, è per a so cucina di mediocre qualità. Diffatti, l'alimenti pruposti in i ristoranti fast-food sò, di manera generale, abbastanza grassi, è cusì favuriscenu a crescita di u fenomenu di l'obesità. Esistanu ancu critiche scontr'u fattu di manghjà di manera troppu rapida, mentre u ripastu hè una stonda riposu è di convivialità. E catene di fast-food sò ancu criticate da l'alter-mundialisti chì vedenu in elle imprese multinaziunale capitaliste, ch'ùn rispettarianu nè i clienti, nè l'impiegati, nè l'ambiente. Infine, ci hè una critica annantu à u fattu chì u fast-food, presente in ogni paese (fora di paesi cume a Corea di u Nord), u fast-food uniforma a gastronomia è una rispetta micca e particularità lucale.

L'azzione di José Bové in Francia, u muvimentu slow food o ancu i documentarii cume Super Size Me sò esempii di 'ssa opposizione à u fenomenu di i fast-food.

Tipi di fast-food[mudificà | edità a fonte]

Qui hè un elencu di tipi di fast-food :

Esempii di catene di fast-food[mudificà | edità a fonte]

A ristorazione rapida cumporta parechje grande catene di ristoranti, suvente in franchizia. Cusi, Subway ha più di 32 000 ristoranti in 91 paesi [1], McDonald's più di 31 000, ecc... U gruppu Yum ! Brands hè u leader mundiale incù più di 33 000 ristoranti in u mondu è catene cume Pizza Hut, KFC, Taco Bell, ecc...


U fast-food in Corsica[mudificà | edità a fonte]

Ancu in Corsica esiste u fenomenu di u fast-food, è ci si pò truvà ristoranti di hamburgers o ancu di kebab o di sushi. U snacking hè assai spartu. Ma a specifità di u fast-food in Corsica hè chì e grande catene ùn ci si sò quasi micca stallate. Ci si trova quantunque, dapoi pocu tempu, un Quick in Aiacciu.

Referimenti[mudificà | edità a fonte]

  1. Indirizzi di i ristoranti Subway nant'u situ uffiziale di l'impresa

Da vedè dinò[mudificà | edità a fonte]