Diòcesi d'Accia

À prupositu di Wikipedia
Jump to navigation Jump to search
Carta di u diòcesi d'Accia

A diòcesi d'Accia hè un'anticu diòcesi di Corsica oghje smarritu. Addunia solu duie pieve : Ampugnani è Rustinu

Storia[mudificà | edità a fonte]

A diòcesi d'Accia (in latinu : Dioecesis Acciensis) hè un'antica diòcesi di Corsica. Hè l'una di e sei diòcesi storichi di a Corsica.

Certi storichi pensanu chì u vescuvatu d'Accia hè statu creatu da u papa Gregoriu Magnu, ma nunda permette d'affirmala cun certezza.

À a fine di u seculu XI, un cunflittu oppone Ghjenuva à Pisa. Per fà compie l'ostilità, u papa Innucenzu II face di Ghjenuva un archivescuvatu (19 di marzu di u 1133). U papa sparte e diòcesi di Corsica trà Ghjenuva è Pisa : e diòcesi d'Aiacciu, Aleria è Sagone seranu sott'à l'administrazione di Pisa. Quelle di Nebbiu è Mariana sò messi sott'à l'administrazione di Ghjenuva[1].

Ma ci vole à creà una diòcesi nova per chì Pisa è Ghjenuva sianu à paru. Hè creatu cusì a diòcesi d'Accia. Si piglia una pieve à Aleria, u Rustinu, è una pieve di Mariana, l'Ampugnani.

A residenza di u vescu si truvava à u paese di A Casalta, in Ampugnani, à u locu chjamatu Costa di i Fiori[2].

Dopu si truvava nant'à a cumuna di A Casabianca, à u cunventu Sant'Antone.

A diòcesi d'Accia serà suprimata in u 1563, da u Cunciliu di Trento.

Dapoi u 1801, ùn ci hè più ch'è una sola diòcesi per tutta a Corsica : a diòcesi d'Aiacciu.


Cumpusizione di a diòcesi d'Accia[mudificà | edità a fonte]

A diòcesi d'Accia era a più chjuca di e sei diòcesi di Corsica. E duie pieve chì a cumpunianu eranu quelle di

A Catedrale d'Accia[mudificà | edità a fonte]

A catedrale era a chjesa di San Petru d'Accia, chjamata dinù San Petrùculu. Si trova à u pede di u monte San Petrone. Ci si ghjunghje dop'à 20 minuti di marchja di Bocca à u Pratu, nant'à a cumuna di U Quercitellu. Si ponu sempre vede e ruvine.

Invece, ùn s'hè mai trovu u battisteru.

San Petrùculu, à u pede di u monte San Petrone

Certi storichi avanzanu l'ipotesi d'una catedrale più antica in punta di u monte San Petrone, à 1.767 metri. St'idea hè cuntestata. Si ponu vede ruvine d'una custruzzione in cima di a muntagna, ma pè avà a prova ch'elle sianu quelle di l'antica catedrale ùn hè stata fatta.

Da vede dinù[mudificà | edità a fonte]

Notes et références[mudificà | edità a fonte]

  1. Dictionnaire historique de la Corse, sott'à a direzzione d'Antoine-Laurent Serpentini, Albiana, 2006.
  2. Geneviève Moracchini-Mazel in Les Églises Romanes de Corse, Klincksieck, CNRS - Paris, 1967.