Curu
| |||||
|---|---|---|---|---|---|
| |||||
| Genista salzmannii | |||||
| Classificazioni scentifica | |||||
| Regnu | Plantae | ||||
| Divisioni | Magnoliophyta | ||||
| Classa | Dicotyledones | ||||
| Ordini | Caryophyllales | ||||
| Famiglia | Fabaceae | ||||
| Genaru | Genista | ||||
| Nomu binuminali | |||||
| Genista salzmannii Linnaeus, 1753 | |||||
| |||||
U Curu (Genista salzmannii) hè una pianta chì faci parti di a famiglia di i Fabaceae. Si trova in Corsica è in Sardegna. U so nomu scentificu, Genista salzmannii, faci rifarenza à P. Salzmann (1781-1851), un botanistu tedescu, chì era medicu in Montpellier.
U curu hè altu 50 à 110 cm. Fiurisci da marzu à ghjugnu. I fiori di u curu sò giaddi. I casci sò appena pilosi annantu à u sopra. Sò longhi 3 à 8 mm. Hè una panta ermafrudita.
I sinonimi di Genista salzmannii sò:
- Genista lobelii proles salzmannii
- Genista aspalathoides var. salzmannii Asch. & Graebn.
In Corsica
[mudificà | edità a fonte]U curu hè cumunu in Corsica. 'Ssa spezia di ghjinestra hè endemica di a Corsica è di a Sardegna. Ci sò dui variità di Genista salzmannii in l'isula:
- Genista salzmannii salzmannii : 'ssa variità hè piaghjinca
- Genista salzmannii lobelioides: 'ssa variità hè muntagnola, è si scontra da 1000 à 2100 metri
U curu si trova in particulari annantu à una striscia litturali di circa sei ettari, da quandi à a piaghja di u Ricantu, in Aiacciu, ind'eddu stà u sammartinu d'Aiacciu, una spezia di sammartinu endemica di Corsica è unica in u mondu.
Citazioni
[mudificà | edità a fonte]U curu hè citatu calchì volta in a litteratura in lingua corsa. Par esempiu in I buciuleddi d'Anghjulu Canarelli: O beddi si vo aviati vistu i cuscinedda di Gennartu, i mazzuli di Curu, di Coria, di Lepru Corsu, i brancona di Ghjineparu chì si scuzzulaiani, e tutti sti buciuleddi lighjeri schieti parfumati chi si mischiavani in un buciuliddumu ch’un capiu mancu più.