Cristofaru Colombu

À prupositu di Wikipedia
Jump to navigation Jump to search
Ridolfo del Ghirlandaio - Ritratto di Cristoforo Colombo (1520).jpg

Cristofaru Colombu (in talianu: Cristoforo Colombo; in spagnolu: Cristóbal Colón), natu in u 1451 annantu à u territoriu di a ripublica di Ghjenuva è mortu u 20 di maghju 1506 à Valladolid, hè un navigatore genuvese à u sirviziu di i munarchi cattolichi d'Ispagna Isabella di Castiglia è Ferdinandu d'Aragona, rinumatu per avè scupertu l'America in u 1492. Hè incaricatu da a rigina Isabella di aghjunghje l'Asia orientale (l'Indie) attravirsendu l'oceanu Atlanticu incù trè caravelle chì ellu ne hè l'amiragliu.

In a notte di u 11 à u 12 di uttrove 1492, dopu un pocu di più di dui mesi di navigazione, accosta annantu à un'isula di l'arcipelagu di i Bahamas à a quale ellu dà u nome di San Salvador.

Colombu hè tandu persuasu ch'è ellu hà cumpiitu a so missione è ch'è ellu si trova à l'Indie, dendu à l'abitanti di 'sse rigione, esciuti di migrazione preistoriche in pruvinienza d'Asia, u nome d'Indiani. Quand'è ellu more 14 anni dopu, dopu altri trè viaghji à u sirviziu di a Spagna, chì unu in l'attuale Venezuela (aostu 1498), ùn hà micca cumpresu ch'è ellu hà raghjuntu tutt'altra terra.

Effittueghja quattru viaghji in quant'è navigadore à contu di i suvrani spagnoli, chì lu numineghjanu nanzu à u so prima partenza amiragliu, vicirè di l'Indie è guvernadore generale di i territorii ch'è ellu scoprerìa.

A scuperta di i Caraibi marca u principiu di a culunisazione di l'America da l'Europei è face di Colombu un attore maiò di e grande scuperte di lu XVu è XVIu seculu. A ghjunta di Cristofaru Colombu à San Salvador hè a prima tappa di a splurazione sistematica è di a culunisazione europea di u cuntinente americanu.

A supposta casa nativa di Cristofaru Colombu in Calvi

Ùn hè eppuru micca u prima navigadore à avè attravirsatu l'oceanu Atlanticu dapoi l'Europa : di e spedizione lu anu precedutu, in particulare di i Vichinghi venuti da Islanda si sò stabiliti mentre parechje dicennii à u Gruenlandia insin'à e rigione di l'estu di l'attuale Canada, ma 'sse spedizione ùn avianu micca produttu documentazione cunnisciuta in i paesi d'Europa di u punente.

A sturiugrafia di a civiltà occidentale ritene Cristofaru Colombu cum'è u scupridore di l'America è ne face u più avvenimentu impurtante marchendu u passaghju di u Medievu à i tempi muderni in unu inseme d'avenimenti è di trasfurmazione magiori. S'è u nome di Colombu hè assuciatu à parechje terre d'America (Colombia, Grande Colombia, Culumbia Britannica) quellu d'America hè data siont'è l'espluratore Amerigo Vespucci.