Culumbia

À prupositu di Wikipedia
(Reindirizzamentu da Colombia)
WikiLettera
WikiLettera

'Ssu artìculu hè in custruzzione. Pudete cuntribuisce à a so redazzione.

Ripublica di Culumbia
República de Colombia
Mottu: Libertad y Orden
(Libertà è Ordine)

Lingue ufficiali spagnolu
Capitale Bogotà  (8.034.649 ab. / 2024)
Pulitica
Forma di guvernu Sistema presidenziale cù statu unitariu
Presidente Gustavo Petro
Capo di governo
Indipendenza da a Spagna in u 1810


Superficia
Tutale 1.141.748 km²
Acque 8,8 %
Pupulazione
Tutale 51.266.000 ab.
Densità 45 ab./km²
Geografia
Cuntinente America di u Sudu
Fusu orariu {{{orario}}}
Ecunumia
Muneta Peso culumbianu


Energia {{{energia}}}  kW/ab.
Varie
Duminiu internet .co
Indicativu telefonicu +57
Siglu autom. {{{targa}}}
Innu Himno Nacional de la República de Colombia
Festa naziunale 20 di lugliu
{{{note}}}

A Colombia ò a Culumbia, hè un statu in l'America meridiunale. A capitale è più grande cità hè Bogotà. A Colombia hà una superficia di 1.141.748 km² è tene circa 51 milioni d'abitanti, cù una densità di populazione di 45 ab./km². L'abitanti sò chjamati culumbiani ò colombiani (colombianos in spagnolu). A Culumbia hè un statu unitariu cù sistema presidenziale; l'attuale capu di guvernu hè Gustavo Petro. A muneta uffiziale hè u peso culumbianu. U mare di i Caraibi hè situatu à u nordu è l'uceanu Pacificu à u punenti.

Giugraffia[mudificà | edità a fonte]

A Culumbia hè un paese situatu à u nordu di l'America meridiunale. Sparte fruntiere (ò cunfine) cù u Venezuela à u livante, u Brasile à u sudu-este, u Perù è l'Ecuadòr à u sudu è u Panama à u nordu. Una parte di u paese hè muntagnola; a curdigliera di l'Andi cumincia à u nordu. A superficia tutale di a Colombia hè 1.141.748 km², cù una superficia in acqua di 8 %. U mare di i Caraibi hè situatu à u nordu, è l'uceanu Pacificu à u punenti. A zona andina, à u centru di a Culumbia, ragruppa e princiale cità è agglumerazione di u paese : Bogotà, Medellìn, Bucaramanga, Cùcuta ò ancu San Juan de Casto. Ci sò altre impurtante cità à u nordu, in a zona caraiba, cumè Cartagena de Indias, Santa Marta è Barranquilla. Calì, un'altra grande cità, hè situata trà a zona muntagnola è a zona pacifica, à u punente.

Rilievu[mudificà | edità a fonte]

Valle de Cocora, Colombia

A curdigliera di l'Andi cumincia à u nordu di a Culumbia. Una parte di u paese hè dunque muntagnola. In Culumbia, a curdigliera hè scumparta in trè parte, a curdigliera centrale (centru), a curdigliera uccidentale (punente) è a curdigliera urientale (livante). Ci sò parechji vulcani in a regione, cum'è u Nevado del Huila (5.750 m), u più altu vulcanu attivu di Culumbia. I principali vulcani sò l'Azufral (4.070 m), u Cerro Bravo (4.000 m), u Cerro Machín (2.750 m), u Cerro Negro de Mayasquer (4.445 m), u Cumbal (4.764 m), u Doña Juana (4.150 m), u Galeras (4.276 m), u Nevado del Huila (5.750 m), u Nevado del Tolima (5.215 m), u Nevado del Ruiz (5.321 m), u Petacas (4.054 m), u Puracé (4.650 m), u Romeral (3.858 m), u Santa Isabel (4.965 m) è u Sotará (4.400 m).

Clima[mudificà | edità a fonte]

Cartagena de Indias, à u nordu di u paese, un ghjornu assuliatu

Cù a so situazione giugrafica, a Culumbia pussede un clima trupicale ò subtrupicale nantu à a maiò parte di u paese. E coste (pacifiche è caraibe) anu un clima ghjiniralmente trupicale ò equaturiale. A u centru di u paese, cù a muntagna è l'altitudine, u clima hè spessu un pocu più frescu, ma scarsameinte frettu. Per esempiu, u clima di Bogotà hè timperatu d'altitudine, cù una timperatura media massima cutighjana circa à 19°C è un umidità prisente tuttu l'annu. Ci sò ghjiniralmente una stagione secca è una stagione ùmida. A u nordu, ci hè ancu un clima diserticu in a Guajira. Ma ci hè ancu un clima aridu in qualchì valle di u centru di u paese. U clima culumbianu hè influanzatu da u fenumenu climaticu d'El Niño è di La Niña.

Biudiversità[mudificà | edità a fonte]

U parcu naziunale naturale Tayrona
Río Amazonas

A Culumbia pussede una di e più ricche biudiversità di u mondu, cù un numeru straurdinariu di spezie animale è vegetale. In una grande parte di u paese, pudemu vede parechje fureste primarie. L'Amazonia hè ancu una furesta prisente à u sudu. Cù queste fureste, a Culumbia pussede una grande ricchezza vegetale è animale. U Sistema Nacional de Áreas Protegidas pruteghje è geste i parchi naziunali. Ci sò 59 parchi naziunali naturali in Colombia, per una superficia tutale di 125.790 km² (10 % di a superficia naziunale). A diversità vegetale hè immensa, cù più di 45 000 spezie, o quasi 15 % di a flora di u mondu. A Culumbia pussede 1.825 spezie d'acelli (19 % di e spezie di u mondu è 60 % in Sudamerica). L'Auropa è l'America di u nordu, inseme, anu un numeru tutale di spezie d'acelli menu impurtante chì a sola Culumbia. Ci sò più di 3.000 spezie di barabattule in u paese, 733 spezie d'anfibi, è 30 % di e spezie di cuppulate di u mondu. Ma oghji, sicondu WWF, a mita di e spezie animale prisente in Culumbia sò minacciate di sparizione.

Da vede dinò[mudificà | edità a fonte]