Chimera (mitulugia)
A chimera (da u grecu Χίμαιρα, chímaira, littiralamenti "capra"; in latinu chimaera) hè un mostru mitulogicu incù parti di u corpu di parechji animali. Sicondu u mitu grecu faci parti di a discindenza di Tifonu è Echidna, à tempu cù l'Idra di Lerna, Cerbaru è Ortru. Fù fattu cumpariscia in a "Tantazioni di Sant'Antonu" di Flaubert.
Aspettu
[mudificà | edità a fonte]
I discrizzioni varieghjani - sicondu parechji pudia sputà focu, avia testa di lionu, una testa di capra nantu à a schiena è a coda di sarpi; sicondu altri avia corpu di capra, coda di sarpi o di dragonu è testa di lionu. Sputava focu da i fauci è u morsu di a coda era vilanosu.
| « ...Era u mostru di urighjina divina, lionu a testa, u pettu capra, è dragonu a coda; è da a bocca orrendu vampi vumitava di focu: è dinò, cù u favori di i dei, l'eroi a spensi... » |
| (Iliadi, VI, 180-184, trad. V. Monti) |
Storia
[mudificà | edità a fonte]A chimera avia urighjini divini, in quantu figlia di Echidna è Tifonu: dimurava eminentamenti à Patara. U rè di Licia Iobate urdinò à Bellerofonte di uccida la parchì edda si dava à incursioni in u so tarritoriu. Incù l'aiutu di Pegasu, Bellerofonte ci riiscì. Si conta ch'eddu avissi a punta di a so lancia di un pezzu di piombu. À u calori di i fiammi lanciati da a Chimera, u piombu si sciolsi è uccisi a bestia.
In l'Iliadi si dici ch'è, prima ch'è Bellerofonte l'uccidissi, a Chimera fù tinuta à bada da u liciu Amisodaro, chì in seguitu divintò babbu di i ghjovani eroi Atimniu è Maride.
Cultura Pupulari
[mudificà | edità a fonte]- Apparisci in C'era una volta... Pollon induv'hè più simili à un orcu.
- In Mission: Impossible 2 hè u nomu di un virus.
Bibliugrafia
[mudificà | edità a fonte]- Pseudo-Apollodoru, Bibbiuteca 2.3.1-2, Discrizzioni di a chimera è l'uccisioni par mani di Bellerofonti
Fonti
[mudificà | edità a fonte]'Ss'articulu pruveni in parti o in tutalità da l'articulu currispundenti di a wikipedia taliana.