Cattidrale Santa Maria Assunta
A cattidrale di Santa Maria Assunta, ancu chjamata chjesa di a Canonica, hè un'anziana cattidrale cattolica di Corsica. [1] Hè situata annantu à a cumuna di Lucciana. Serìa stata archittetata versu a fine di u seculu XI o principiu di di u seculu XII.[2]
Storia
[mudificà | edità a fonte]In l'antichità, Mariana hè stata una culonia rumana impurtante, fundata in u 93 a.C. da Marius. U cristianesimu ci si cullucò prestu - ci si trova unu cumplessu paleucristianu di a fine di u seculu IV - è a diocese di Mariana fù fundata mentre u seculu V. Quessa ne face unu di e prime di Corsica.
A diocese fece parte dopu di l'arcivescuvatu di Pisa in u 1092, cum'è tutti i viscuvati di Corsica. A cattidrale Santa Maria Assunta fù fundata annantu à u situ dettu di "A Canonica" à u seculu XI. Fù cunsacrata in u 1119 da l'arcivescu di Pisa.
A diocese hè culligata à l'arcidiocese di Genuva in u 1130, incù i viscuvati d'Accia è di u Nebbiu. Da u 1269 à u 1570, u vescu di Mariana ci si cullucò. A sedia viscuvale fù trasfirita à a Chjesa San Martinu di Viscuvatu in u 1440.
In u 1563, u papa Piu IV riunisce e diocese di Mariana è d'Accia, eppo i cancella cumplittamente in u 1570 à u prufittu di a diocese di Bastia. À u mumentu di u concurdatu di u 1801, tutti i viscuvati di Corsica fubbenu riuniti in a diocese d'Aiacciu.
A chjesa fù classificata cum'è munimentu storicu da Prosper Mérimée, vultendu di u so viaghju in Corsica, in u 1886[3]. 'Stu edificiu hà molte cose in cumunu, oltre ch'è incù a ghjesa di San Parteu (in Lucciana), incù un'gruppu di ghjese di a Lucchesia, cum'è per esempiu San Petru di Valdottavu, Santa Maria Assunta, a Piazza di Brancoli è dui ghjese di l'Anglona in Sardegna suprana, San Nicola di Silanos di Sedini (ante 1122) è San Giovanni di Villalba (o Billalba).
Architittura
[mudificà | edità a fonte]
Cattidrale d'architittura rumànica di u seculu XII, hè armuniosa, assai bè cunsirvata è rinnuvata. Hè unu di i più belli munimenti medievali di Corsica. Hè architettata sient'è un pianu rettangulare di basilica (18,40 x 34,70 metri), incù trè navate. A cattidrale hè fatta di scistu cipullinu, chì si suppone, pruvene da u Capicorsu.[4] Ci sò quattru entrate.
Indrentu à a basilica, si pò vede una Santa Divota offerta da u principe Rainier III di Monacu in u 2003, è un grande Cristu in bronzu di Marie-Claude Sei Dominici, pittore è scultore cuntempuranea originaria di Lucciana.
Note
[mudificà | edità a fonte]- ↑ 'Ss'articulu pruvene in parte da l'articulu currispundente di a wikipedia in inglese.
- ↑ Camuffo (2016).
- ↑ Prosperu Mérimée, Note d'un viaghju in Corsica.
- ↑ Camuffo (2016).
Bibliugrafia
[mudificà | edità a fonte]- Ghjenuveva Moracchini-Mazel, E Chjese Rumaniche di Corsica, Klincksieck, CNRS, 1967
Ligami
[mudificà | edità a fonte]- Camuffo, Paola, Cattedrale di Santa Maria Assunta (Canonica) Archiviu 2021-02-28 at the Wayback Machine, Mediateca Culturale di a Corsica è di i Corsi, consultatu l'11 d'aprile di u 2016, http://m3c.univ-corse.fr/omeka/items/show/1092625 Archiviu 2021-02-28 at the Wayback Machine