Casgiu calinzanincu

Un casgiu calinzanincu

U casgiu calinzanincu hè un tipu di casgiu corsu fabbricatu in a rigione di produzzione di Calinzana è di e zone cunfinente in Balagna, à parte di latte crudu di pecura o di latte crudu di capra esciutu solu di e so mandrie.

Hè un casgiu di caratteru incù un sapore d'unu piccante unicu chì s'assumiglia à quellu di i casgi niulinchi. Difatti, in un passatu sempre ricente, i pastori niulinchi venianu à fà pasce i so animali in Balagna, suvitendu u stradellu di muntagnera. Quellu parte di Barghjana (annantu à a cumuna di Mansu), piglia in partenza a strada di u stradone D351, passa dopu per u Ponte di e rocce, a foce di Caprunale, u rifughju di Puscaghja di u Parcu naturale regiunale di Corsica, u Capu Tafunatu in direzzione di a foce di Vergiu per righjunghje infine u Niolu.

U casgiu calinzanincu pò esse cunsumatu accumpagnatu di cunfittura di fiche o ancu di fiche fresche.

I produttori di casgiu calinzanincu cuncorrenu ogni annu à a Fiera di u Casgiu di Venacu.

Descrizzione

U pesu mediu d'un casgiu calinzanincu hè 400 grammi.

Varietà

Calenzana: u paese

Esiste dinù unu tipu di casgiu dettu calinzanincu detu Calinzana vechju.

Da vede dinù

• casgiu corsu
• casgiu niulincu

Ligami

• Situ officiale di A Fiera di u Casgiu Archiviu 2016-04-05 at the Wayback Machine