Ghjinestra

À prupositu di Wikipedia
(Reindirizzamentu da Calycotome spinosa)
A ghjinestra
Calycotome spinosa
Classificazioni scentifica
Regnu Plantae
Divisioni Magnoliophyta
Classa Magnoliopsida
Ordini Fabales
Famiglia Fabaceae
Genaru Calycotome
Nomu binuminali
Calicotome spinosa
Linnaeus, 1753
A ghjinestra

A Ghjinestra (Calicotome spinosa hè un arburettu chì faci parti di a famiglia di i Fabaceae. Si trova in i paesi è i rigioni situati intornu à u Mari mediterraniu. A ghjinestra hè alta sin'à dui metri. I fiori di a ghjinestra sò giaddi.

Tassunumia[mudificà | edità a fonte]

Parechji sinonimi di Calicotome spinosa sò:

  • Spartium spinosum L.
  • Calicotome fontanesii Rothm.

Ripartizioni[mudificà | edità a fonte]

Calicotome spinosa hè largamenti sparta in u circondu mediterraniu, in particulari in i paesi tali a Spagna, a Francia, l'Italia, a Grecia è a Turchia. Hè ancu prisenti in certi righjoni d'Africa suprana. 'Ssa pianta hà una prifarenza par i terri beddi assiccati è i climi caldi è asciutti.

Calicotome spinosa hè prisente in Corsica è cumuna.[1] Hè tipica di a machja corsa, com'è a scopa o l'arbitru.

Biulugia[mudificà | edità a fonte]

I fiora di a ghjinestra

A ghjinestra hè un arbustu à foglii parsistenti chì pò aghjunghja un'altezza da 1 à 2 metri. I so casci sò cumposti da picculi fuglioli verdi scuru è sò ricuparti di pela fini. I fiora di culaori giaddu vivu appariscini di branu è sò ragruppati in gaspi. Sò ricchi di nettaru, attirendu cusì l'insetti inamacatori tali l'abbi è i sbarrabattuli. I frutti sò vaini di culori brunu scuru cuntinendu parechji graneddi.

Cunsirvazioni[mudificà | edità a fonte]

Calicotome spinosa hè una spezia chì hè cunsidarata com'è essendu di prioccupazioni minori in termini di cunsirvazioni. Bench'edda possi essa affittata da a digradazioni di u so ambienti naturali duvuta à l'urbanisazioni è à l'agricultura intensiva, hè dinù largamenti sparta in a so zona di ripartizioni. Eppuri, hè impurtanti di surviglià u statu di e so pupulazioni è di piglià misuri di cunsirvazioni apprupriati par prisirvà 'ssa spezia è u so ambienti.

Citazioni[mudificà | edità a fonte]

Accadi chì a ghjinestra fussi mintuvata in a cultura è in a litteratura corsa. Par asempiu:

A mio ghjinestra fiurita
O quant'ella spampilleghja
Ghjunghjenu li giuvanotti
È ti facenu la veghja
Chì t'ùn mi teni più caru
Credi ch'eo nùn mi n'avvega.
Maghju sente la ghjinestra
Chì sbuccia per lu pughjale
Inzeppisce fiuminale
Verdiceghja la campestra
L'acelli sparghjenu l'ale
Si spalanca la finestra.

Noti[mudificà | edità a fonte]

  1. Jeanmonod & Gamisans (2013).
  2. www.paghjella.com

Altri prugetti[mudificà | edità a fonte]

Da veda dinò[mudificà | edità a fonte]

Rifarenzi[mudificà | edità a fonte]

Gallaria d'imagini[mudificà | edità a fonte]