Spinitriculu
(Reindirizzamentu da Astragalus gennargenteus)
| |||||
|---|---|---|---|---|---|
 | |||||
| Astragalus gennargenteus | |||||
| Classificazioni scentifica | |||||
| Regnu | Plantae | ||||
| Divisioni | Magnoliophyta | ||||
| Classa | Magnoliopsida | ||||
| Ordini | Berberidales | ||||
| Famiglia | Fabaceae | ||||
| Genaru | Astragalus | ||||
| Nomu binuminali | |||||
| Astragalus gennargenteus Linnaeus, 1753 | |||||
 | |||||
U spinitriculu (Astragalus gennargenteus) hè una pianta chì faci parti di a famiglia di i Fabaceae. Hè endemica di a Corsica è di a Sardegna. U spinitrìculu hè cumunu in i muntagni di Corsica è più schersu in Sardegna, ind'eddu si pò scuntrà in u Monti Albu, in u Gennarghjentu è in u Sopramonti d'Orgosolu. Si scontra da 900 à 2100 metri.
Hè una pianta zimbrunuta. Fiurisci di ghjunghju o di lugliu. I fiora sò bianchi-giaddicci. U calici hè pilosu. Hè alta 10 à 30 cm.
Un sinonimu di Astragalus gennargenteus hè: Astragalus sirinicus var gennargenteus (Moris).
In Corsica
[mudificà | edità a fonte]U spinitrìculu hè cumunu in Corsica. Hè ancu chjamatu a spinitricula (Conrad 1980). U nomu corsu veni da u fattu chì 'ssa pianta cumporta mori spini.
Rifarenzi
[mudificà | edità a fonte]- Conrad, Marcella, Pianti è fiori scontri - Plantes et fleurs rencontrées, avali è innanzi, Parcu Naturali di Corsica, 1980
- Gamisans, Jacques, A flora endemica di Corsica, 1996, Edisud (in francesu)