Assemblea di Corsica
L'assemblea di Corsica hè l'assemblea deliberente di a cullettività territuriale di a Corsica. Hè cumposta dà 51 cunsiglieri eletti à u suffraghju universale.
L'assemblea di Corsica sede in Aiacciu.
U 6 è 13 di dicembre di u 2015 si so passate l'ultime elezzione territuriale. Cum'è a cullettività territuriale unica un sera in piazza chè u 1u di ghjennaghju di u 2018, l'attuale mandatu un sera chè di dui anni.
Storia
[mudificà | edità a fonte]L'assemblea di Corsica hè criata in 1982 seguidantu e legge di diccintralizazione chi purta à a Corsica un statutu particulare[1].
A prima assemblea hè eletta l'8 d'aostu di u 1982. L'esecutivu è cunfidatu à u presidente di l'assemblea[1]. Nuladimenu, u modu di scutinu è u fattu chi 2231 voce abbastanu pè pudè sede rendenu l'assemblea difficilmente guvernevule. L'assemblea sera dunque disciolta dà u cunsigliu di i ministri in lu 1984. U so modu di scutinu sera allora cambiatu u 10 di lugliu di u 1985[2].
In lu 1991, un statutu novu hè adupratu pè a Corsica : a nova legge crea una cullettivita territuriale Corsa cù un statutu particulare indè a regione[3] L'assemblea di Corsica hè cumposta di 51 socii è u scutinu prupurziunale hè mentenutu mà ci hè una prima di 3 sede pè u primu partitu (purtata à 9 sede dapoi 2010[4]). U putere esecutivu hè cunfidatu à un cunsigliu esecutivu distintu di l'assemblea è elettu da iddu.
Dopu à un fiascu in lu 2003, un prugettu di cullettività unica hè finalmente sceltu u 7 d'aostu di u 2015 : privede a criazione di una cullettività di a Corsica pè u primu di ghjenaghju di lu 2018[5].
Cumpusizione è elezzione
[mudificà | edità a fonte]L'assemblea di Corsica hè cumposta di 51 socii, eletti à u suffraghju universale. È liste anu dà rispette a parità.
Ci hè un sicondu tornu s'eddu un ci hè mancuna lista à avè 50% à u primu tornu. È liste chi anu avutu almenu 7% di è voce ponu prisentà si pè u sicondu tornu. Quiddi chì anu avutu almenu 5% di e voce ponu s'addunì incù un altra lista s'edda hè qualificata.
A prima lista uttene una prima di 9 sede è i resti di e sede so scumparti trà tutte e liste chi anu avutu almenu 5% di è voce.
L'assemblea di Corsica prucede, u ghjovi sicondu à la so elezzione, à l'elezzione di u so presidente è à l'elezzione di u cunsigliu esecutivu di Corsica. I socii di u cunsigliu esecutivu un pudenu micca esse, à u listessu tempu, cunsiglieri à l’assemblea.
Gruppi attuali
[mudificà | edità a fonte]| Nome di gruppu | Partiti riprisentati | Eletti | Statutu | |
|---|---|---|---|---|
| Per a Corsica | Femu a Corsica è Corsica libera | 24 | Maghjurenza | |
| Prima a Corsica | Divers gauche è Front de gauche | 12 | ||
| Le Rassemblement | Les Républicains, UDI è CCB | 11 | ||
| Front national Corse | Front national | 4 | ||
Presidente
[mudificà | edità a fonte]U presidente di l'assemblea di Corsica hè elettu durante a prima accolta chi seguita l’elezzione. Per i dui primi torni di scutinu, ci vole una maghjuranza assuluta per esse elettu. Per u terzu tornu, abbasta una maghjurita simplice.
Ghjuramentu
[mudificà | edità a fonte]In dicembre di lu 2015, Ghjuvan Guidu Talamoni, presta ghjuramentu annantu à una edizione di 1758 di a Giustificazione della rivoluzione di Corsica, cume Gilles Simeoni, elettu presidente di u cunsigliu esecutivu di Corsica.
| Presidente | Partitu | Date | |
|---|---|---|---|
| Consigliu regiunale di Corsica | |||
| François Giacobbi | Radical | 1974-1979 | |
| Jean Filippi | Radical | 1979-1982 | |
| Assemblea di Corsica | |||
| Prosper Alfonsi | MRG | 1982-1984 | |
| Jean-Paul de Rocca Serra | RPR | 1984-1998 | |
| José Rossi | UDF-PR-DL-UMP | 1998-2004 | |
| Camille de Rocca Serra | UMP | 2004-2010 | |
| Dominique Bucchini | PCF | 2010-2015 | |
| Jean-Guy Talamoni | Corsica libera | 2015-2018 | |
Annutazione è referenze
[mudificà | edità a fonte]- ↑ 1,0 1,1 Loi n°82-214 du 2 mars 1982 portant statut particulier de la région Corse (organisation administrative)
- ↑ « Les statuts de 1982 et 1991 », sur La Documentation française (consulté le 27 novembre 2015)
- ↑ Loi n° 91-428 du 13 mai 1991 portant statut de la collectivité territoriale de Corse
- ↑ Modification du mode de scrutin de l'élection de l'Assemblée de Corse Sur le site net-iris.fr - consulté le 4 avril 2012
- ↑ Loi n° 2015-991 du 7 août 2015 portant nouvelle organisation territoriale de la République