Aragna cappona
| |||||
|---|---|---|---|---|---|
| |||||
| Trachinus araneus | |||||
| Classifica scentifica | |||||
| Regnu | Animalia | ||||
| Divisioni | Chordata | ||||
| Classa | Actinopterygii | ||||
| Ordini | Perciformes | ||||
| Famiglia | Trachinidae | ||||
| Genaru | Trachinus | ||||
| Nomu binuminale | |||||
| Trachinus araneus Linnaeus, 1758 | |||||
| |||||
L' Aragna cappona (Trachinus araneus) hè un pesciu di mari chì faci parti di a famiglia di i Trachinidae.[1] 'Ssu pesciu si scontra in u Mari Tarraniu è l'Oceanu Atlanticu à livanti, da u Portugallu à l'Angola.
In u nomu scentificu, Trachinus veni da u grecu τραχύς, chì significheghja ruvidu, rozu, scagliosu; araneus pruveni da u grecu Ἀράχνη chì voli dì ragnu.
Discrizzioni
[mudificà | edità a fonte]L'aragna cappona hè longa sin'à 45 cm, a lunghezza media essendu 30 cm. L'aragna cappona pussedi una grandi bocca. Quist'ultima hè aparta à l'insù. L'aragna cappona hà dinò u spinu arcatu. Inoltri, hà i fianchi chì cumportani parechji grossi tacchi bughji (da 6 à 10), situati sottu à a linia bianca latirali. Infini, l'aragna cappona pussedi l'ochja chjuchi è abbastanza scartati.
L'aragna cappona s'assumiglia è pò essa cunfusa incù l'altri spezii d'aragni: l'aragna cumuna è ancu Trachinus radiatus.
Sò par u più i fondi marini rinosi chì custituiscini u so ambienti solitu. L'aragna cappona hè un pridatori chì si ciba par u più di picculi pesci è di crustacei. Caccighjeghja impustata, piattata in a rena. Po si lampa annantu à i so predi muvendu si prestu à colpi di coda, eppo si metti dinò in a rena. Ùn lascia ch'è a bocca è l'ochja affiurà à a suparficia di a rena. L'aragna cappona hè smunita di buscica natatoria, ciò chì ùn li parmetti micca di nutà annantu à longhi distanzi.
Calchì volta, u cumpurtamentu di l'aragna cappona hè aggrissivu. In certi circustanzi, hè accadutu ch'edda attacchessi i bagnadori.
In Corsica
[mudificà | edità a fonte]L'aragna cappona hè cumuna in u mari di Corsica.
Noti
[mudificà | edità a fonte]- ↑ 'Ss'articulu pruveni in parti da l'articulu currispundenti di a wikipedia in talianu.
Rifarenzi
[mudificà | edità a fonte]- Miniconi R., Molinier R., Nouhen D., Pimort M.-J. (1980) Pesci di Corsica è di u Mediterraniu, Parcu Naturali Regiunali di Corsica (in francesu)