Amandulu

À prupositu di Wikipedia
Jump to navigation Jump to search
Amandulu
Amàndulu
L'amandulu
Classificazioni/e scentifica
Regnu: Plantae
Divisioni/e: Magnoliophyta
Classa: Magnoliopsida
Ordini/e: Rosales
Famiglia: Rosaceae
Genaru: Prunus
Species

Prunus dulcis (Mill.) D. A. Webb

Amàndulu
L'amandulu , i fiori

Hè un arburu di a famidda di i Rosaceae (chi cumprendi i rusulaghji, i parsichi, i chjarasgi). Natu in u nordu di l'Africa è di l'Asia uccidentali ghjunghji in Auropa à u midievu. Hè un arburu chjucu, misura circa 9 metri. Vivi da 50 à 80 anni. I so ràdichi sò putenti è t'hani pochi ramificazioni. L'amandulu bastardu si vedi in piaghja : i so amanduli sò sempri àmari. L'amandulu insitutu hè listessu mà i so frutti sò più dolci. Temi u fritu è hà bisognu di lumu, di soli è d'aria sicca. Par quissa a Corsica è a costa meditarrania sò siti parfetti par a so cultura. Li cunveni bè una tarra povara, pitrosa, sicca o ancù salita è calcària.

I so fogli sò ovali, lunghi.

A foglia di l'amàndulu

I fiori sò parechji ma solamenti una sopra trè darà un fruttu. Sò bianchi o rosulini è sbucciani da marzu à aprili. L'amandulu hè u prima arburu fruttevulu à fiurisci à a fini di l'inguernu. U muscu di i so fiori svighja l'abbi adurmintati. I frutti da 4 à 6 centimetri di longu sò d'aspettu viddutosi, di culori verdi è cuntenini una naciola o dui.

A medda epica par piantà l'amandulu hè da a fini di nuvembri à i primi ghjorna di dicembri. Un amandulu cumincia à dà i frutti versu a so terza annata.

Un locu piantatu à amanduli hè un amanduletu. U legnu di l'amandulu piaci monda à i bancalari. L'amandulu hè u simbulu di a virghjinità cun i so fiori bianchi chi vestini l'arburu com'è una spusata.

In Corsica[mudificà | edità a fonte]

U fiori di l'amandulu

In Corsica, l'amandulu t'hà a so fiera d'aostu in Aregnu: a "fiera di l'amandulu".

Rifarenzi[mudificà | edità a fonte]

Da veda dinò[mudificà | edità a fonte]

Liami[mudificà | edità a fonte]


WikiLettera

'Ssu articulu hè in custruzzioni. Pudeti cuntribuiscia à a so redazzioni.