A Vita hè una Lotta

À prupositu di Wikipedia

A Vita hè una Lotta hè una puesia d'Antone Bonifacio (1866-1933). Hè stata publicata in a so raccolta di puesie intitulata Frutti d'Imbernu, publicata in u 1924.

A Vita hè una Lotta[mudificà | edità a fonte]

Sì, trovu ch'è Diu manca di buntà :
Ghjetta ind'u mondu l'omu disarmatu
Senz' unghje, senza denti è senza fiatu
Ad ogni male espostu in virità.
Accintu da nemici in ogni latu,
Da bestie piene di malignità,
Da elementi infidi è iniquità,
Prima di nasce pare cundannatu.
Hà puru per nemici a sete è a fame
E tante cose ch'ùn n'hè mai finita :
L'invidia, u viziu è l'odiu — cosa infame !
Spessu esce vincitore in 'ssa partita
Ma talvolta ellu ghjace in mezu à e lame :
Una lotta terribile hè la vita !

Da vede dinù[mudificà | edità a fonte]