Tangu

À prupositu di Wikipedia
Andà à: Navigazione, Ricerca

U Tango hè un ballu chi si face in coppiu, è designa dinò a musica chi l'acumpagna, ghjucata incu u bandoneone.

Storia[mudificà | edità a fonte]

U tango hè nattu à a finu di u XIXemu seculu in Argentina è in Uruguay, ind'i quartieri populari di Buenos Aires è di Montevideo. L'immigrazione europea massiva, sopratuttu spagnola è italiana, hà da appurtà musice, melodie, ritmi chi anu da incuntrà un fenòmenu rioplatense recente, a milonga.

A milonga si diffusa à partesi di à mità di u XIXeme seculu ind'i "faubourgs" di Buenos Aires. Mischiandu u ritmu musicale afro-uruguayanu candombe ("work song" ritmata chi cantanu i schiavi neri africani) è a habanera cubana, a milonga hè un cantu è u ballu populari à l'accenti a volte melancolichi, ma quantunque intrinanti, profundi è animati. Permette à l'omi vinuti circà furtuna, assai numerosi pè un nùmeru di donne assai limitatu, di mettesi in concurrenza. Da u fattu di a rarità di e donne, ma dinò di a sucietà masculina ind'a cuale participa rapidamente, a milonga si balla sopratuttu entre omi.

L'influenze europee multiple è u svilupamente di u ballu cume cumpetizione di seduzione vanu da fane un amusamentu carcu d'imbusci. U tango s'hè construitu cume codificazione prugressiva di passi, di ritmi, di brisure, di l'unificazione culturale di una populazione induva a diversità hè surghjente di tenzione...