Cariddi

À prupositu di Wikipedia
Scilla è Cariddi in un dipintu di Johann Heinrich Füssli
Scilla è Cariddi in una vignetta inglesa di a fini di u Seculu XVIII

Cariddi (in grecu Χάρυβδις) in a mitulugia greca hè un mostru marinu.

Storia[mudificà | edità a fonte]

In principiu era una naiadi, figlia di Puseidonu è Gea, dedita à i rapini è famosa par a so vuracità. Un ghjornu arrubò à Erculu i boi di Gerione è ni manghjò parechji. Tandu Zeus a fulminò fendu la cascà in mari, induva a mutò in un ghjigantescu mostru simili à una lampreda, chì furmava un vortici marinu incù a so immensa bocca, capaci d'inghjotta i navi di passaghju.

A lighjenda a situeghja vicinu à unu di i dui lati di u strettu di Missina, di fronti à l'antru di u mostru Scilla.

I navi chì imbuccavani u strettu erani custretti à passà vicinu à unu di i dui mostri.

In quiddu trattu di mari i vortici sò incausati da l'incontru di i currenti marini, ma ùn sò micca d'impurtanza maiori.

Sicondu u mitu, l'Argunauti riiscini à scampà à u priculu, rapprisintatu da i dui mostri, chì erani vidati da Teti matri d'Achilli, una di i Nereidi.

Scilla hè minziunata ancu in u cantu XII di l'Udissea d'Omeru, in u quali si narra chì Ulissi priferì affruntà Scilla, par paura di perda a navi passendu vicinu à u botru, è par quissa persi quà frà tutti l'omini i migliori remadori.

Giugraficamenti Cariddi hè culluchevuli nantu à a punta missinesa di a Sicilia, à Capu Peloru.

In a cinematugrafia, Cariddi apparisci in u filmu Percy Jackson è i di i di l'Olimpu - U mari di i mostri.

Bibliugrafia[mudificà | edità a fonte]

Citazioni[mudificà | edità a fonte]

Cariddi hè stata citata calchì volta in a litteratura corsa, in particulari in a puisia anonima intitulata Libertà! publicata in l' Almanaccu pupulari di Corsica par 1931:[1]

Di fà li servi
è cosa chì ci stanca;
par noi, sempri
da Cariddi in Scilla.
Or ripigliemu
quilla bandera bianca,
u veru emblema
di a nostra libertà !

Da veda dinò[mudificà | edità a fonte]

Noti[mudificà | edità a fonte]

  1. (p. 88-89).

Liami esterni[mudificà | edità a fonte]

Fonti[mudificà | edità a fonte]

'Ss'articulu pruveni in parti o in tutalità da l'articulu currispundenti di a wikipedia in talianu.