Zoolugia

A zoolugia hè a disciplina di a biolugia chì studieghja l'animali o metazoi. In u passatu, i protozoi eranu cunsiderati parte di u regnu animale per via di e so sumiglianze biulogiche è di e so affinità filugenetiche. Oghje, sò classificati soprattuttu in u regnu di i prutisti.
Etimulugia
[mudificà | edità a fonte]U termine «zoolugia» hè furmatu da e parolle greche ζῷον (zôion), chì vole dì «essere vivu» o «animale», è -λογία (-loghía), da λόγος (lógos), chì pò significà «discorsu», «raghjunamentu», «teuria» o «studiu».
Storia
[mudificà | edità a fonte]Antichità
[mudificà | edità a fonte]
Ancu s'ella ùn hè diventata una disciplina scentifica urganizata ch'è à u XIX sèculu, a zoolugia hà e so radiche in l'antichità. I studii d'Aristotele anu messu e prime base di sta scienza. In Historia animalium, scritta versu u 343 a.C., Aristotele discrive guasi 600 spezie d'animali di l'Asia Minore è di l'isula di Lesbos. Hà scrittu dinù De partibus animalium, un'opera chì racoglie osservazione annantu à l'animali.
Galenu hà cuntribuitu à u sviluppu di a zoolugia cù e so numerose dissezioni, fatte soprattuttu annantu à e scimie è i porchi, ch'ellu cunsiderava l'animali più simili à l'omu.
Da u Medievu à u Seicentu
[mudificà | edità a fonte]
À u Medievu, è soprattuttu durante u Rinascimentu, a zoolugia cumencia à piglià una forma più vicina à quella muderna è suscita un interessu crescente trà i sapienti. I viaghji longhi in nave portanu à a scuperta di numerose spezie nove.
Cù De differentiis animalium (1553), Edward Wotton scrive ciò chì hè statu qualificatu cum'è «a prima opera zoologica di i tempi muderni». Conrad Gessner publica Historiae animalium (1551), un'opera chì s'appoghja in parte annantu à l'osservazione d'Aristotele. Hè cunsiderata unu di i primi grandi testi muderni di zoolugia, ancu s'ella cuntene dinù animali mitulogichi è creature fantastiche.
L'invenzione di u microscopiu permette di vede urganismi chì ùn si pudianu distingue à ochju nudu. Parechji d'elli, cumpresi urganismi oghje cunnisciuti cum'è prutisti, eranu à l'epica classificati trà l'animali.
Età muderna
[mudificà | edità a fonte]
À u XIX sèculu, espluratori è scentifichi cum'è Alexander von Humboldt ùn studieghjanu più solu l'urganisimi à unu à unu, ma dinù e pupulazione è e so rilazione cù l'ambiente. Si sviloppa cusì l'eculugia.
A teoria di l'evoluzione assuciata à Charles Darwin è Alfred Russel Wallace cuntribuisce à dà à a biulugia una struttura cumuna, basata annantu à l'evoluzione. A zoolugia diventa una di e so discipline, à fiancu à a botanica, a paleontulugia è a microbiulugia. À u XX sèculu, si sviloppanu dinù branche cum'è l'etulugia, à a quale hà cuntribuitu Konrad Lorenz.
Ricerca zoologica
[mudificà | edità a fonte]
Cum'è in l'altre branche di a biulugia, l'animali ponu esse studiati à parechji livelli: da e cellule è i tessuti à e dinamiche di pupulazione è à e interazzione trà l'urganisimi. Si pò studià u fenotipu, vale à dì e caratteristiche osservabile, è ancu u genotipu. L'analisi di e caratteristiche genetiche aiuta à stabilisce e rilazione di parentia trà l'individui è trà e spezie.
A maiò parte di l'animali di u passatu sò spariti. Per studià li, a zoolugia s'appoghja ancu annantu à a geulugia è à l'analisi di i fossili priservati in i strati di roccia. Parechji metazoi anu un sistema nervosu è ponu avè cumpurtamenti più o menu cumplessi, chì sò anch'elli studiati.
U passaghju da e forme antiche di l'omu à quelle muderne hè studiatu soprattuttu da e scienze suciale. L'antropulugia, chì studieghja l'essere umanu sottu à parechji aspetti, hà dinù ligami cù a zoolugia.
A sistematica zoologica hè urganizata secondu u Codice internaziunale di nomenclatura zoologica (ICZN). U codice stabilisce regule per numinà l'animali è e spezie, affinch'è i nomi ùn sianu micca scelti à l'arbitrariu da ogni scentificu.
A zoolugia hà cuntribuitu assai à e cunniscenze di l'omu. E dissezzione d'animali, per esempiu, anu permessu di studià u funziunamentu di u corpu umanu per via di paragone. Scentifichi cum'è Andrea Vesaliu è William Harvey anu fattu tali studii. Oghje, l'usu d'animali in a ricerca, cumpresa a prova di i medicamenti, ferma un sughjettu di dibattitu è hè sottumessu à regule specifiche.
Branche di a zoolugia
[mudificà | edità a fonte]A zoolugia hà parechje discipline chì si cuncentranu annantu à aspetti particulari di u mondu animale.
Zoolugia evolutiva
[mudificà | edità a fonte]A zoolugia evolutiva studieghja l'urighjine è a discendenza di e spezie animali, è dinù i so cambiamenti, a so distribuzione è a so diversità à traversu u tempu. Trà i sapienti chì anu cuntribuitu à stu campu ci sò Georges-Louis Leclerc de Buffon, Jean-Baptiste de Lamarck è Charles Darwin. In L'origine di e spezie, Darwin hà messu base impurtante per l'evoluzionisimu mudernu.
Sistematica animale
[mudificà | edità a fonte]
A sistematica animale studieghja a tassunumia di l'animali, vale à dì a so urganisazione è a so classificazione. U biologu svedese Carl Linnaeus (Linneo) hà avutu un rollu impurtante in a classificazione di l'esseri viventi.
Embriulugia animale è zoolugia di u sviluppu
[mudificà | edità a fonte]L'embriolugia animale studieghja a furmazione è u sviluppu di l'animali à parte da l'ovu fecundatu. Analizeghja e trasfurmazione chì l'embrione subisce fin'à ghjunghje à u stadiu adultu.
Eculugia animale
[mudificà | edità a fonte]L'eculugia animale studieghja l'interazzione trà l'animali è l'ambiente induv’elli campanu.
Etulugia
[mudificà | edità a fonte]
L'etolugia studieghja u cumpurtamentu di l'animali. Konrad Lorenz hè cunsideratu unu di i pionieri di l'etulugia muderna.
Paleozoolugia
[mudificà | edità a fonte]A paleozoolugia studieghja l'animali spariti à traversu a ricerca è l'analisi di i fossili.
Veterinaria
[mudificà | edità a fonte]A veterinaria hè a disciplina chì s'occupa di a salute di l'animali.
Criptozoolugia
[mudificà | edità a fonte]A criptozoolugia tratta di l'animali chì a so esistenza ùn hè ancu sustenuta da prove scentifiche, ma chì hè supposta à parte da credenze antiche o muderne. Hè assuciata à e pseudoscienze, ancu s'è certe ricerche nant'à l'animali pocu cunnisciuti ponu esse cundutte cù metudi scentifichi rigurosi.
Per gruppi tassunomichi
[mudificà | edità a fonte]- Protozoolugia, studiu di i protozoi
- Malaculugia, studiu di i molluschi
- Teutulugia, studiu di i cefalopodi
- Nematulugia, studiu di i nematodi
- Elm intulugia, studiu di i vermi parassiti
- Artropulugia, studiu di l'artropodi
- Aracnulugia, studiu di l'aracnidi è di i scorpioni
- Acarulugia, studiu di l'acari è di e zecche
- Carcinulugia, studiu di i crustacei
- Entomulogia, studiu di l'Insetti
- Aracnulugia, studiu di l'aracnidi è di i scorpioni
- Itt iulugia, studiu di i pesci
- Erpetulugia, studiu di i rettili è di l'anfibii
- Batraculugia, studiu di l'anfibii
- Ofiulugia, studiu di i serpi
- Sau rulugia, studiu di e lucertule
- Testudinulugia, studiu di e cuppulate
- Ornitulugia, studiu di l'acelli
- Crocodilulugia, studiu di i crocodili
- Mammulugia, studiu di i mammiferi
- Cetulugia, studiu di i cetacei
- Primatulugia, studiu di i primati
Altre branche
[mudificà | edità a fonte]- Anatumia cumparata, paragone di l'anatumia di vertebrati sfarenti
- Anatumia di i mammiferi, studiu di l'anatumia di i mammiferi
- Etulugia, studiu di u cumpurtamentu animale
- Fisiulugia animale, studiu di u funziunamentu di l'animali
- Fisiulugia cumparata, paragone di a fisiulugia di spezie sfarente
- Neuroetulugia, studiu di i ligami trà u sistema nervosu è u cumpurtamentu animale
- Zoogeugrafia, studiu di a distribuzione di e spezie in u territoriu
- Zoomusiculugia, studiu di l'usu esteticu di a cumunicazione sonora trà l'animali
- Zoosemiutica, studiu di i sistemi di cumunicazione animale
- Antropulugia, studiu di l'essere umanu sottu à parechje discipline
- Zootecnia, allevu è sfruttamentu di l'animali
Divulgazione
[mudificà | edità a fonte]Per fà cunnosce a zoolugia à u grande publicu è sensibilizà lu à e so tematiche, esistenu urganisazione è strutture cum'è i giardini zoologichi, e stazione zoologiche, l'acquarii publichi è i musei di storia naturale. I safari permettenu dinù à i visitadori d'osservà l'animali in ambienti naturali o vicini à quelli naturali.
Ci sò parechje opere di divulgazione scentifica, enciclopedie nant'à l'animali è documentarii filmati in u mondu sanu, frà i quali quelli prudutti da urganisazione è reti cum'è a National Geographic Society è a BBC.