Unione Internaziunale Astronomica

À prupositu di Wikipedia

L’Unione Internaziunale Astronomica hè una assemblea d’astronomi prufessionali, attivi in la ricerca è l’insegnamentu di l’astronomia. A sede si trova in Parigi. L’UIA tene una autorità internaziunale pè classificà i corpi celesti (stelle, planete, asteroidi, ecc...). Hè membra di u Cunsigliu Internaziunale pè e Scienze (ICSU). U scopu principale di l’UIA hè di prumove è pruteghje l’astronomia attraversu a cooperazione internaziunale (incù i dilettanti dinò). I gruppi di travaghju includenu u Working Group for Planetary System Nomenclature (WGPSN) chi mantene e cunvenzioni astronomiche di numinazione di i corpi celesti.

Storia[mudificà | edità a fonte]

L’UIA fù fundata in 1919. U primu présidente fù Benjamin Baillaud. Ci sò stati tanti prublemi attraversu u seculu, sopratuttu incù l’ufficiali sovietici ò a ghjunta militare greca.

Composizione[mudificà | edità a fonte]

L’UIA tene 10145 membri individuali chi sò tutti prufessionali. Ci sò dinò 64 membri naziunali chi rappresentanu i paesi affiliati à l’UIA. 87% di i membri sò masci. U corpu suvranu di l’UIA hè a sò assemblea générale, chi include tutti i membri. L’assemblea sceglie a pulitica di l’UIA è eleghje diversi cumitati.

Assemblee generali[mudificà | edità a fonte]

Dipoi 1922, l’assemblea générale di l’UIA si tene cadi trè anni, à l’eccezione di u periodu di a Seconda Guerra Mundiale. Dopu à una dumanda polenesa in 1967, è una decisione assai cuntroversata di u présidente, una assemblea générale straurdinaria fù tenuta in febbraiu 1973 in Varsovia (Pologna) pè cummemurà 500u anniversariu di a nascita di Copernic.

A 26a assemblea générale[mudificà | edità a fonte]

A 26a assemblea générale di l’UIA si hè tenuta da u 14 à u 25 d’aostu 2006 in Praga (Repubblica Cèca). Una nova definizione di u tarmine planeta fù aduttata, definizione chi ha cambiatu a classificazione di Plutò chi hè diventata « planeta nanna » (cum’è Seres, Sciaron è Eris). Benchè sia stata vutata, sta decisione ha pruvucatu una cuntestazione assai forte in la cumunità scientifica astronoma. Una decisione finale hè stata pigliata in ghjungnu 2008, accitendu a parola « plutoidu » è a sò definizione ufficiale : Sò plutoidi i corpi celesti in orbitu à l’intornu di u Sole, à un assu semimaiò più grande cà quellu di Nettunu, è chi hannu una massa sufficente (...) pè mantene una forma in equilibriu idrostaticu (guasgi sferica).