Un Fiore (Ghjuvan Petru Lucciardi)

À prupositu di Wikipedia

Un Fiore hè una puesia di Ghjuvan Petru Lucciardi (1862-1928). Hè stata publicata in L'Annu Corsu per u 1927. A so struttura hè quella d'un sunettu.

Un Fiore[mudificà | edità a fonte]

Vidi un carufanettu ghjà sbucciatu ;
D'odori deliziosi a strada empiia.
Cù una voce vizzosa mi dicia :
« Cogli mi... cù e so labbre m'hà basgiatu.


È cù e so mane d'oru hà carizzatu
A mio curolla chì si strasmurtia ;
È ci hà lasciatu tanta puesia,
Ch'avà sò, frà li fiori, invidiatu.


Cogli mi, cun delizia aspirerai
L'alitu di a so lena parfumata,
È i pichji di u so core senterai.


A so imagine viderai stampata ;
Surrisu più graziosu ùn ci fù mai... »
— Quessa, risposi, hè la mio Donna amata.

Bibliugrafia[mudificà | edità a fonte]

Da vede dinù[mudificà | edità a fonte]