Uchjata

L'uchjata si caratterizeghja da un corpu lungarinu è cumpressu latiralmente, incù una culurazione argentata è riflessi azurati. Pussede una sola nutaghjola dursale e scaglie belle visibile annantu à tuttu u so corpu.

Ripartizione

Omu trova l'uchjata in l'acque custiere di u mare Terraniu è di u mare Atlanticu orientale, in particulare longu e coste di a Spagna, Portugallu, di a Francia, di l'Italia è di a Tunisia. Affizziuneghja i fondi rucciosi è rinosi, induv'ella si ciba per u più di picculi crustacei è di molluschi.

In Corsica

L'uchjata hè un pesciu cumunu in Corsica.^[1] Si pesca incù i tremaglini o incù l'uchjatara, una reta spiciali par l'uchjati.

Biolugia

'Ssu pesciu hè attivu per u più di notte, culluchendu si in scialmi in cerca di nutrimentu. Si riproduce di veranu è d'istate, dipunendu i so ovi sopra à substrati rucciosi. I ghjovani si sviloppanu prestu è aghjunghjenu a maturità sissuale à l'età d'un annu à l'incirca.

Tassonumia

Oblada melanura hè qualchì volta designatu sottu à i sinonimi di Diplodus melanurus o di Sparus melanurus in a litteratura scentifica.

Cunsirvazione

Benchì l'uchjata ùn sia micca cunsideratu cum'è una spezia minacciata, hè sottumessa à una prissione di pesca impurtante in certe rigione di a so area di ripartizione. E misure di gistione durevule di e pupulazione sò messe in ballu in certi lochi per assicurà a perennità di 'ssa spezia è di u so ecusistema.

Riferimenti

Rughjeru Miniconi, Parlata aghjaccina cittatina è paisana, Ed. A Barcella, 2017.

Liami

Archiviu 2007-08-13 at the Wayback Machine Vucabulariu aiaccinu di a pesca, Matina latina

Note

↑ Miniconi (2017).

Da vede dinò

a Petra uchjata

Altri prugetti

Oblada melanura Archiviu 2007-08-13 at the Wayback Machine annantu à Wikimedia Commons.

[1] Miniconi (2017).

[1]