U Merre Pastore
U merre pastore hè un cantu tradiziunale di Corsica.
U merre pastore
[mudificà | edità a fonte]- Vulemu piantà lu maghju
- Cullà lu fin'à le stelle
- Or serà cuntenta Cecca
- È più le so figliulelle
- Chì nun purteranu più
- Addossu le centupelle.
- O Braccò la to furtuna
- Avà sì s'hè discitata
- Tantu l'ai cumbattuta
- Ch'à la fine l'hai truvata
- Era nentr'un cornu di capra
- Culà stava intufunata.
- Chì l'avesse mai criduta
- Ch'in piazza di li Braconi
- Si duvesse alzà lu maghju
- La bandera à trè culori?
- La sgiò Cecca Luciani
- Meritò tutti sti onori.
- Or sì, sta Cecca frisciata
- Colla è fala per u paese
- È sì nimu la dimanda
- Ella risponde in francese
- Ùn ti sai vergugnà
- O risa di lu paese?
- Or tù ùn vedi la to scala
- Ch'è t'hà fatta a saltarelli?
- Ùn ci si ponu arrivà
- Li vechji nè li zitelli.
- Da la cherciulla à lu tettu
- Ci si contani le stelli.
- Aspettemu lu sgiò merre
- Cù le pecure stu maghju
- Ed allora l'elettori
- Li alzeranu lu so maghju
- Perchè ellu avia prumessu
- Un castratu tintinnaghju.