Taravu (fiumu)

À prupositu di Wikipedia
(Reindirizzamentu da Taravu (fiume))
U Taravu vistu da u Ponti di Traghjettu Ghjuvanni

U Taravu hè un fiumu di Corsica. Hè longu 65,6 kilomitri. Nasci in u nordu di u Monti Grossu (1895 m) à un'altura di 1580 metri, annantu à a cumuna di Palleca, in a furesta di A Flasca. Passa dopu in a Bocca di A Flasca, vicinu à a Bocca di Verdi (1289 m), è di a Funtana di Santu Petru di Verdi, in a furesta duminiali di Sant'Antonu. Dopu à avè scorsu 65,5 kilomitri, u Taravu si lampa in u Mari Tarraniu, à l'altezza di u Golfu di u Vallincu, trà Portu Poddu è Abbartedda, annantu à a cumuna d'Ulmetu, à dritta di a Torra di Micalona.

I fiumi situati accantu à u Taravu sò: à u nordu, u Prunelli, è à u meziornu u Rizzanesu.

Cumuni ind'eddu passa u Taravu[mudificà | edità a fonte]

A Bocca di u Taravu

U Tàravu hè situatu in Pumonti è traversa 22 cumuni ch ì a lista n'hè: Palleca, Cuzzà, Ciamannaccia, Zicavu, Sampolu, Vutera è I Bagni, Currà, Livesi, Zevacu, Furciolu, Arghjusta è Moricciu, Zigliara, Màcà è A Croci, Pitretu è Bicchisgià, Urbalaconu, Vargualè, Pila è Canali, Cugnocolu è Muntichji, Casalabriva, Suddacarò, Sarra-di-Farro, Ulmetu.

U Taravu traversa dinò quattru cantoni : nasci in u cantonu di Zicavu, traversa i cantoni di Pitretu è Bicchisgià, di Santa-Maria è Sichè è infini u cantonu d'Ulmetu.

Affluenti[mudificà | edità a fonte]

U Taravu - u fiumu grossu - t'hà 41 fiumi o vadini :

Fauna[mudificà | edità a fonte]

Ci sò i pesci in u Taravu com'è a trutta è l'anguidda. Ma ci sò dinò i botti è i raneddi.

Da veda dinò[mudificà | edità a fonte]



I fiumi di Corsica

Abatescu Alisu Bevincu Bravona Cavu Fangu Figaredda Fiumaltu Fiumorbu Golu Gravona Liamonu Ortolu Ostriconi Osu Portu Prunelli Restonica Rizzanesu Stabiacciu Sulinzara Taravu Tavignanu Travu